Dziphisalema 84:1-12
Kha mulangi; a shumise Githithe.* Luimbo lwa vharwa vha Kora.+
84 Ndi funa lungafhani dennde ḽihulu ḽikhethwa,+Iwe Yehova wa mavhuthu!
2 Ndo ṱulutshelwa,Ndo fhelelwa nga nungo nga u ṱuvhaMiṱa ya Yehova.+
Mbilu yanga na muvhili wanga zwi fhululedza Mudzimu a tshilaho.
3 Na tshiṋoni tshi a wana vhudzulo henefhoṰhambela-maḓi i ḓifhaṱela tshiṱaha henefho,Hune ya ṱhogomela hone mafhondo ayoTsini na aḽeṱare yau khulu, Iwe Yehova wa mavhuthu,Khosi yanga na Mudzimu wanga!
4 Hu takala vhane vha dzula nḓuni yau!+
Vha dzula vha tshi u renda.+ (Selah)
5 Hu takala vhane vha wana nungo kha iwe,+Vhane mbilu dzavho dza fara nḓila khulwane.
6 Musi vha tshi fhira nga govhani ḽa zwiṱaka zwa baka,*Vha hu ita fhethu ha zwisima;Ha fhaṱutshedzwa nga mvula dza tseula.
7 Vha ḓo bvela phanḓa vha tshi khou tshimbila, fhedzi nungo dzavho a dzi nga fheli;+Muṅwe na muṅwe wavho u ima phanḓa ha Mudzimu ngei Tsioni.
8 Iwe Yehova Mudzimu wa mavhuthu, ipfa thabelo yanga;Thetshelesa Iwe Mudzimu wa Yakobo. (Selah)
9 Lavhelesa iwe tshiṱangu+ tshashu na Mudzimu washu,Lavhelesa tshifhaṱuwo tsha muḓodzwa wau.+
10 Ngauri ḓuvha ḽithihi ndi miṱani yau zwi khwine u fhira maḓuvha a tshigidi ndi huṅwe fhethu!+
Ndo nanga u ima muṋangoni wa Mudzimu wangaNṱhani ha u dzula madenndeni a vhavhi.
11 Ngauri Yehova Mudzimu ndi ene ḓuvha+ na tshiṱangu;+U a khathutshela na u ṋea vhugalaVhane vha tshimbila nga u fhulufhedzea,+Yehova ha nga litshi u vha ṋea zwithu zwavhuḓi.
12 Iwe Yehova wa mavhuthu,Hu takala muthu ane a fhulufhela iwe.+
Ṱhaluso dzi re magumoni a siaṱari
^ Sedzani Mutevhe Wa Ṱhalutshedzo Ya Maipfi.
^ Ipfi ḽo ṱalutshedzelwaho nga uri “baka” ndi ḽa Tshihevheru. A hu ḓivhiwi zwavhuḓi uri ḽi amba mini.
