Dziphisalema 86:1-17
Thabelo ya Davida.
86 Iwe Yehova, sendedza nḓevhe yau* u mphindule,Ngauri ndi khou tambula, ndi mushai.+
2 Tsireledza vhutshilo hanga, ngauri ndi a fhulufhedzea.+
Tshidza mushumeli wau ane a u fhulufhela,Ngauri u Mudzimu wanga.+
3 Iwe Yehova, nkhathutshele,+Ngauri ndi vhidzelela iwe ḓuvha ḽoṱhe.+
4 Ita uri mushumeli wau a takale,Ngauri ndi ḓa kha Iwe Yehova.
5 Ngauri Iwe Yehova, u wavhuḓi,+ wo ḓiimisela u hangwela;+U sumbedza lufuno luhulu lu sa shanduki kha vhoṱhe vhane vha u vhidzelela.+
6 Iwe Yehova, thetshelesa thabelo yanga;U mpfe ndi tshi humbela thuso.+
7 Ndi vhidzelela iwe musi ndo tsikeledzea,+Ngauri u ḓo mphindula.+
8 Iwe Yehova, a hu na ane a nga iwe kha miṅwe midzimu.+
A hu na mishumo ine ya nga yau.+
9 Tshaka dzoṱhe dze wa dzi sikaDzi ḓo ḓa dza gwadama phanḓa hau, Iwe Yehova+Dzi ḓo ṋea dzina ḽau vhugala.+
10 Ngauri iwe u na maanḓa, u ita zwithu zwi mangadzaho;+Ndi iwe Mudzimu u woṱhe.+
11 Iwe Yehova, mpfunze nḓila yau.+
Ndi ḓo tshimbila ngohoni yau.+
Ita uri ndi ofhe dzina ḽau nga mbilu yanga yoṱhe.*+
12 Iwe Yehova Mudzimu wanga, ndi ḓo u renda nga mbilu yanga yoṱhe,+Ndi ḓo hulisa dzina ḽau nga hu sa fheli
13 Ngauri lufuno lwau lu sa shanduki lwe wa ntsumbedza lwone ndi luhulu,Wo tshidza vhutshilo hanga Vhiḓani* fhethu ha fhasi-fhasi.+
14 Iwe Mudzimu, vhathu vha u ḓihudza vha khou lwa na nṋe;+Tshigwada tsha vhanna vha re na tshiṱuhu tshi khou ṱoḓa u mmbulaya,A tshi u dzhieli nṱha.+
15 Fhedzi Iwe Yehova, u Mudzimu wa u khathutshela na u pfela vhuṱungu,*A sa ṱavhanyi u sinyuwa na a re na lufuno luhulu lu sa shanduki na u fhulufhedzea.*+
16 Nndavhelese, u nkhathutshele.+
Ṋea mushumeli wau nungo dzau,+U tshidze murwa wa mulanda wau wa mufumakadzi.
17 Ntsumbedze tshiga* tsha vhuthu hau,Uri vhane vha mmbenga vha tshi vhone, vha shone.
Ngauri Iwe Yehova, u muthusi wanga na mukhuthadzi wanga.
Ṱhaluso dzi re magumoni a siaṱari
^ Kana “kwatama u nthetshelese.”
^ Kana “Nṋee mbilu i songo fhandekanaho.”
^ Kana “Sheol.” Sedzani Mutevhe Wa Ṱhalutshedzo Ya Maipfi.
^ Kana “na wa vhuthu.”
^ Kana “na ngoho.”
^ Kana “vhuṱanzi.”
