Dziphisalema 92:1-15
Phisalema. Luimbo lwa ḓuvha ḽa Savhatha.
92 Ndi zwavhuḓi u livhuwa Yehova+Na u imbela dzina ḽau thendo, Iwe Wa-Ṱaḓulu-ṱaḓulu,
2 Na u ḓivhadza lufuno lwau lu sa shanduki+ nga matsheloniNa u fhulufhedzea hau vhusiku,
3 Hu tshi lidzwa tshilidzo tshi re na ṱhale dza fumi,Na nga u lidza haripa.+
4 Iwe Yehova, wo ita uri ndi takale nga nṱhani ha mishumo yau;Nga nṱhani ha mishumo ya zwanḓa zwau ndi a fhululedza nga dakalo.
5 Mishumo yau ndi mihulu lungafhani, Iwe Yehova!+
Mihumbulo yau yo ṱanḓavhuwa lungafhani!+
6 Muthu a si na ṱhalukanyo a nga si i ḓivhe;Na tsilu ḽi nga si zwi pfesese:+
7 Musi vhavhi vha tshi simuwa sa tsheṋe*Na vhaitazwivhi vhoṱhe vha tshi bvelela,Ndi hone vha tshi ḓo fheliswa tshoṱhe.+
8 Fhedzi Iwe Yehova, u huliswa lini na lini.
9 Ngangoho Iwe Yehova, lavhelesa maswina au wo takala,Lavhelesa nḓila ine maswina au a ḓo fheliswa ngayo;Vhaitazwivhi vhoṱhe vha ḓo balangana.+
10 Fhedzi u ḓo ita uri ndi vhe na nungo* nnzhi dzi ngaho dza ṋari;Ndi ḓo ḓodza lukanda lwanga nga mapfura maswa.+
11 Ndi ḓo lavhelesa maswina anga ndo takala;+Ndi ḓo pfa nga ha u fheliswa ha vhavhi vhane vha lwa na nṋe.
12 Fhedzi muvhuya u ḓo naka vhunga muri wa mutshevhoA hula vhunga muṱaululo wa Libanoni.+
13 Vho ṱavhiwa nḓuni ya Yehova;Vha titima miṱani ya Mudzimu washu.+
14 Naho vho no vha vhaaluwa* vha ḓo ḓi aṋwa;+Vha ḓo dzula vhe na nungo, vhe vhaswa.+
15 Vha tshi ḓivhadza uri Yehova o luga.
Ndi Tombo+ ḽanga, ha khakhi.
Ṱhaluso dzi re magumoni a siaṱari
^ Kana “hatsi.”
^ Thevhedz., “luṋanga.”
^ Kana “Naho vhe na mmvi.”
