Dziphisalema 94:1-23
94 Iwe Yehova, u Mudzimu wa ndifhedzo,+Iwe Mudzimu wa ndifhedzo, ḓivhonadze!
2 Takuwa, Iwe Muhaṱuli wa ḽifhasi.+
Lifhedza vhane vha ḓihudza nga zwo vha teaho.+
3 Zwi ḓo fhela lini Iwe Yehova,Vhavhi vha ḓo litsha lini u dzula vha tshi ḓihudza?+
4 Vha a vhala-vhala na u amba nga u ḓihudza;Vhaitazwivhi vhoṱhe vha zuwa nga ha vhone vhaṋe.
5 Vha kwanyeledza vhathu vhau, Iwe Yehova,+Na u tsikeledza vhathu vhau.
6 Vha vhulaya tshilikadzi na mutsinda,Vha vhulaya vhana vha si na khotsi.
7 Vha ri: “Yehova ha zwi vhoni;+Mudzimu wa Yakobo ha na ndavha nazwo.”+
8 Pfesesani hezwi, inwi vha sa ṱalukanyi;Inwi vha matsilu, ni ḓo sumbedza lini uri ni a zwi ṱalukanya?+
9 O itaho* nḓevhe, naa ni ri ha pfi?
O itaho ḽiṱo, naa ni ri ha vhoni?+
10 Ane a khakhulula dzitshaka, naa ni ri ha kaidzi?+
Ndi ene Ane a ṋea vhathu nḓivho!+
11 Yehova u a ḓivha mihumbulo ya vhathu,Uri i tou vha mufemo fhedzi.+
12 Iwe Yehova, hu takala muthu ane wa mu khakhulula,+Ane wa mu funza zwi tshi bva kha mulayo wau,+
13 Uri u mu ṋee mulalo tshifhingani tsha khombo,U swika vhavhi vha tshi bwelwa dindi.+
14 Ngauri Yehova a nga si laṱe vhathu vhawe,+Kana u ṱutshela vhathu vhawe.+
15 Ngauri khaṱhulo i ḓo dovha ya vha yo lugaho,Vhoṱhe vha mbilu dzo lugaho vha ḓo i tevhela.
16 Ndi nnyi ane a ḓo nndwela kha vhavhi?
Ndi nnyi ane a ḓo nnyimelela kha vhaitazwivhi?
17 Arali Yehova a vhe a songo nthusa,Ndo vha ndi tshi ḓo vha ndo fa.+
18 Musi ndi tshi ri: “Mulenzhe wanga u khou suvha,”Iwe Yehova, lufuno lwau lu sa shanduki lwo ḓi bvela phanḓa lu tshi ntikedza.+
19 Musi mbilaelo dzi tshi ntsikeledza,*Wo nkhuthadza na u nkwengweledza.+
20 Naa khuluṋoni* ya vhutshinyi i nga konana na iweNgeno i tshi khou tshinya mulayo?+
21 Vha vutshela muvhuya nga tshiṱuhu+A si na mulandu vha mu haṱulela lufu+
22 Fhedzi Yehova u ḓo vha vhukhudo hanga,Mudzimu wanga ndi tombo ḽa vhukhudo.+
23 U ḓo ita uri mishumo yavho mivhi i humele khavho.+
U ḓo vha fhelisa a tshi shumisa vhuvhi havho.
Yehova Mudzimu washu u ḓo vha fhelisa.+
Ṱhaluso dzi re magumoni a siaṱari
^ Thevhedz., “simaho.”
^ Kana “dzi tshi vha nnzhi nga ngomu hanga.”
^ Kana “vhavhusi; vhahaṱuli.”
