Dziphisalema 96:1-13
96 Imbelani Yehova luimbo luswa.+
Imbelani Yehova, inwi ḽifhasi ḽoṱhe!+
2 Imbelani Yehova; rendani dzina ḽawe.
Ḓuvha ḽiṅwe na ḽiṅwe ni ḓivhadze mafhungo maḓifha nga ha u tshidza hawe.+
3 Ḓivhadzani vhugala hawe kha dzitshaka,Na mishumo yawe i mangadzaho kha vhathu vhoṱhe.+
4 Yehova ndi muhulwane, o tewa nga u rendwa.
U ofhisa u fhira miṅwe midzimu yoṱhe.
5 Midzimu yoṱhe ya vhathu a i vhuyedzi tshithu,+Fhedzi Yehova ndi ene we a ita ḽiṱaḓulu.+
6 Phanḓa hawe hu na vhugala* na lunako;+Hune a dzula hone hu na maanḓa na lunako.+
7 Inwi tshaka dzoṱhe, hulisani Yehova,Hulisani Yehova ngauri u na vhugala na maanḓa.+
8 Ṋeani Yehova vhugala ho teaho dzina ḽawe;+Iḓani miṱani yawe na tshifhiwa.
9 Gwadamelani Yehova no ḓiṱama nga vhukhethwa;*Ḽifhasi ḽoṱhe nga ḽi tetemele phanḓa hawe!
10 Ḓivhadzani dzitshaka uri: “Yehova ndi Khosi!+
Ḽifhasi ḽo khwaṱha, ḽi nga si dzinginyiswe.
U ḓo haṱula vhathu nga nḓila yo teaho.”+
11 Ḽiṱaḓulu nga ḽi takale na ḽifhasi ḽi takale;Lwanzhe na zwoṱhe zwi re khalwo kha zwi bvume;+
12 Masimu na zwoṱhe zwi re khao nga zwi takale.+
Miri yoṱhe i re ḓakani nga i takale+
13 Phanḓa ha Yehova, ngauri u khou ḓa,*U khou ḓela u haṱula ḽifhasi.
U ḓo haṱula ḽifhasi ḽoṱhe nga u luga+Na vhathu nga u fhulufhedzea hawe.+
Ṱhaluso dzi re magumoni a siaṱari
^ Kana “tshirunzi.”
^ Kana khamusi, “nga nṱhani ha vhugala ha vhukhethwa hawe.”
^ Kana “ngauri o ḓa.”
