Dziphisalema 98:1-9
-
Yehova ndi Mutshidzi na Muhaṱuli o lugaho
-
Hu ḓivhadzwa u tshidza ha Yehova (2, 3)
-
Luimbo.
98 Imbelani Yehova luimbo luswa,+Ngauri o ita zwithu zwi mangadzaho.+
Tshanḓa tshawe tsha u ḽa tshikhethwa, tsho ita uri ri tshidzwe.*+
2 Yehova o ḓivhadza u tshidza hawe;+O dzumbululela dzitshaka u luga hawe.+
3 O humbula lufuno lwawe lu sa shanduki na u fhulufhedzea hawe nḓuni ya Isiraele.+
Ḽifhasi ḽoṱhe ḽo vhona u tshidza ha Mudzimu washu.*+
4 Pembelelani Yehova, inwi ḽifhasi ḽoṱhe.
Takalani, ni fhululedze ni imbe thendo.+
5 Imbelani Yehova thendo nga haripa,Nga haripa na nga u imba.
6 Nga phalaphala na nga luṋanga,+Pembelani phanḓa ha Khosi, Yehova.
7 Lwanzhe na zwoṱhe zwi re khalwo kha zwi bvume,Na ḽifhasi na vhoṱhe vhane vha dzula khaḽo.
8 Milambo nga i vhande zwanḓa zwayo;Na thavha nga dzi fhululedze nga khathihi+
9 Phanḓa ha Yehova, ngauri u khou ḓa* u haṱula ḽifhasi.
U ḓo haṱula ḽifhasi nga u luga+Na u haṱula vhathu nga nḓila yo teaho.+
Ṱhaluso dzi re magumoni a siaṱari
^ Kana “tsho ita uri a kunde.”
^ Kana “gundo ḽa Mudzimu washu.”
^ Kana “o ḓa.”