Esera 10:1-44
10 Musi Esera a tshi khou rabela+ na u ḓibula zwivhi, a tshi khou lila o shuvhama phanḓa ha nnḓu ya Mudzimu wa ngoho, a kuvhanganelwa nga vhanna vhanzhi, vhafumakadzi na vhana vha Isiraele, vhathu vhoṱhe vha tshi khou lila lu ṱungufhadzaho.
2 Nga zwenezwo, Shekanya murwa wa Yehiele+ muṅwe wa vharwa vha Elamu+ a amba na Esera a ri: “A ro ngo fhulufhedzea kha Mudzimu washu nge ra vhinga* vhafumakadzi vha dziṅwe tshaka vha bvaho kha vhathu vha maṅwe mashango.+ Hu sa londwi zwenezwo, hu tshee na fhulufhelo kha Vhaisiraele.
3 Zwino kha ri vhofhe mulanga na Mudzimu+ washu nga u ṱuwisa vhafumakadzi vhoṱhe na vhana vhavho, u tendelana na vhulivhisi ha Yehova na ha vhane vha ṱhonifha* ndaela ya Mudzimu washu.+ Kha ri tevhedze Mulayo.
4 Takuwa, ngauri haya mafhungo ndi vhuḓifhinduleli hau, riṋe ri khou u tikedza. Ḓikhwaṱhise u dzhie vhukando.”
5 Esera a takuwa a anisa vharangaphanḓa vha vhotshifhe, vha Vhalevi na Vhaisiraele vhoṱhe uri vha ite zwe zwa ambiwa.+ Vha ana.
6 Esera a ṱuwa henefho phanḓa ha nnḓu ya Mudzimu wa ngoho a ya kamarani khulwane* ya Yehohanani murwa wa Eliasibi. Henefho a si ḽe zwiḽiwa kana u nwa maḓi, o vha a tshi khou lila nga nṱhani ha u sa fhulufhedzea ha mathubwa.+
7 Vha huwelela kha ḽoṱhe ḽa Yuda na ḽa Yerusalema uri vhoṱhe vha bvaho vhuthubwani vha kuvhangane Yerusalema;
8 u ya nga phetho ya vhakololo na vhahulwane, muṅwe na muṅwe we a vha a tshi ḓo fhedza maḓuvha mararu a songo ḓa o vha a tshi ḓo dzhielwa thundu yawe yoṱhe, a pandelwa tshivhidzoni tsha mathubwa.+
9 Vhanna vhoṱhe vha Yuda na vha Benyamini vha kuvhangana Yerusalema hu sa athu u fhela maḓuvha mararu, nga ṅwedzi wa vhuṱahe nga ḓuvha ḽa vhu 20 ḽa ṅwedzi. Vhathu vhoṱhe vho vha vho dzula muṱani wa nnḓu ya Mudzimu wa ngoho, vha tshi khou tetemela nga u ofha eneo mafhungo na nga nṱhani ha mvula khulu.
10 Tshifhe Esera a takuwa a amba navho a ri: “A no ngo fhulufhedzea nge na vhinga vhafumakadzi vha dziṅwe tshaka,+ no engedza mulandu nga zwenezwo zwe na ita kha ḽa Isiraele.
11 Zwino ḓibuleni milandu yaṋu kha Yehova Mudzimu wa vhomakhulukuku waṋu, ni ite zwine a zwi funa. Ḓikhetheni kha vhathu vha maṅwe mashango na kha vhafumakadzi vha dziṅwe tshaka.”+
12 Tshivhidzo tshoṱhe tsha fhindula nga ipfi ḽihulu tsha ri: “Ndi vhuḓifhinduleli hashu ha uri ri ite zwe zwa ambiwa.
13 Hu na vhathu vhanzhi, ndi tshifhinga tsha mvula. A zwi konadzei uri ri ime nnḓa, enea mafhungo a nga si dzhie ḓuvha ḽithihi kana mavhili, ngauri ro ita vhushandukwa vhuhulu kha enea mafhungo.
14 Ri khou humbela uri vhakololo vhashu vha imelele tshivhidzo tshoṱhe;+ u tendele vhoṱhe vha re miḓini yashu vho vhingaho vhafumakadzi vha dziṅwe tshaka vha ḓe nga tshifhinga tsho vhewaho, vhe na vhahulwane na vhahaṱuli vha muḓi muṅwe na muṅwe, u swika hu tshi fhela mbiti dza Mudzimu washu dze dza vhangwa nga haya mafhungo.”
15 Naho zwo ralo, Yonathani murwa wa Asahele na Yehasia murwa wa Thikiva vha hanedza zwenezwo, vha tikedzwa nga Meshulamu na Shabathai+ vha Vhalevi.
16 Fhedzi vha bvaho vhuthubwani vha tendelana na zwenezwo; tshifhe Esera na vharangaphanḓa vha miṱa ya vhokhotsi avho, vhoṱhe vha vhewa u ya nga madzina avho, nga ḓuvha ḽa u thoma ḽa ṅwedzi wa vhufumi vha vha na muṱangano thungo u itela u dzudzanya eneo mafhungo;
17 nga ḓuvha ḽa u thoma ḽa ṅwedzi wa u thoma vha fhedza u dzudzanya eneo mafhungo na vhanna vhoṱhe vhe vha vhinga vhafumakadzi vha dziṅwe tshaka.
18 Ha wanala uri vhaṅwe vharwa vha vhotshifhe vho vhinga vhafumakadzi vha dziṅwe tshaka:+ kha vharwa vha Yeshua+ murwa wa Yehotsadaka na vhahawe, ndi Maaseya, Eliesere, Yaribi na Gedalia.
19 Fhedzi vha fhulufhedzisa u ṱuwisa vhafumakadzi vhavho, samusi vho vha vhe na mulandu, vho vha vha tshi ḓo ṋekedza thutha ye ya vha i tshi bva kha sambi u itela mulandu wavho.+
20 Kha vharwa vha Imere,+ ndi Henani na Sebadiya;
21 kha vharwa vha Harimi,+ ndi Maaseya, Elia, Shemaya, Yehiele na Usia;
22 kha vharwa vha Phashuri,+ ndi Elioenai, Maaseya, Ishimaele, Nethaniele, Yosabada na Eliasa.
23 Kha Vhalevi ndi Yosabada, Shimei, Kelaya (ane a vha Kelita), Phethaya, Yuda na Eliesere;
24 kha vhaimbi ndi Eliasibi; kha vhalindakhoro ndi Shalumu, Telemu na Uri.
25 Kha Vhaisiraele, kha vharwa vha Pareosi,+ ndi Remia, Izia, Malakia, Miyamini, Eliasara, Malakia na Benaya;
26 kha vharwa vha Elamu,+ ndi Mathanya, Sakaria, Yehiele,+ Abadi, Yeremothe na Elia;
27 kha vharwa vha Sathu,+ ndi Elioenai, Eliasibi, Mathanya, Yeremothe, Sabada na Asisa;
28 kha vharwa vha Bebai,+ ndi Yehohanani, Henania, Sabai na Athalai;
29 kha vharwa vha Bani, ndi Meshulamu, Maluku, Adaya, Yashubu, Sheali na Yeremothe;
30 kha vharwa vha Phahathi-moaba,+ ndi Adana, Kelali, Benaya, Maaseya, Mathanya, Betsaliele, Binui na Manase;
31 kha vharwa vha Harimi,+ ndi Eliesere, Yisia, Malakia,+ Shemaya na Shimioni,
32 Benyamini, Maluku na Shemaria;
33 kha vharwa vha Hasumu,+ ndi Mathenai, Mathatha, Sabada, Eliphelete, Yeremai, Manase na Shimei;
34 kha vharwa vha Bani, ndi Maadai, Amuramu, Uele,
35 Benaya, Bedya, Keluhi,
36 Vanya, Meremothe, Eliasibi,
37 Mathanya, Mathenai na Yaasai;
38 kha vharwa vha Binui, ndi Shimei,
39 Shelemia, Nathani, Adaya,
40 Mahanadabai, Shasai, Sharai,
41 Azariele, Shelemia, Shemaria,
42 Shalumu, Amaria na Yosefa;
43 kha vharwa vha Nebo, ndi Yeiele, Mathithia, Sabada, Sebina, Yadai, Yoele na Benaya.
44 Vhenevho vhoṱhe vho vha vho vhinga vhafumakadzi vha dziṅwe tshaka,+ vha vha ṱuwisa na vharwa vhavho.+
Ṱhaluso dzi re magumoni a siaṱari
^ Kana “dzhenisa nḓuni dzashu.”
^ Thevhedz., “ofha.”
^ Kana “holoni ya u ḽela.”
