Esera 5:1-17
5 Muporofita Hagai+ na muporofita Sakaria+ ane a vha muḓuhulu wa Ido+ vha porofita kha Vhayuda vha re ngei Yuda na ngei Yerusalema, dzinani ḽa Mudzimu wa Isiraele a re navho.
2 Ndi nga tshenetsho tshifhinga he Serubabele+ murwa wa Shelathiele na Yeshua+ murwa wa Yehotsadaka vha thoma u fhaṱulula nnḓu ya Mudzimu,+ ye ya vha i Yerusalema; vhaporofita vha Mudzimu vho vha vhe navho vha tshi khou vha tikedza.+
3 Nga tshenetsho tshifhinga, Thathanai muvhusi wa dzinguni ḽa Seli ha Mulambo,* Shethara-bosonai na vhane vha shumisana navho vha ḓa khavho vha vha vhudzisa vha ri: “Ndi nnyi we a ni tendela uri ni fhaṱe yeneyi nnḓu na u fhedzisa tshenetshi tshifhaṱo?”*
4 Vha vha vhudzisa vha ri: “Vhanna vhane vha khou fhaṱa itshi tshifhaṱo ndi vhonnyi?”
5 Fhedzi Mudzimu o vha a tshi khou linda vhahulwane vha Vhayuda,+ a vho ngo vha thivhela u swika hu tshi rumelwa muvhigo kha Dario, a u fhindula nga vhurifhi.
6 Vhurifhi he Thathanai muvhusi wa dzinguni ḽa Seli ha Mulambo, Shethara-bosonai na vhane vha shumisana nae na vhavhusi vhaṱuku vha dzinguni ḽa Seli ha Mulambo vha vhu rumela ha Khosi Dario ndi hovhu;
7 vha mu rumela muvhigo, zwe vha ṅwala ndi hezwi:
“Ha Khosi Dario:
“Mulalo nga u vhe na iwe!
8 Khosi nga i zwi ḓivhe uri ro ya vunduni* ḽa Yuda nḓuni ya Mudzimu muhulwane. Nnḓu i khou fhaṱiwa nga matombo mahulu, matanda a khou vhewa kha mbondo. Vhathu vha khou ita mushumo nga mafulufulu, u khou bvela phanḓa nga nṱhani ha vhuḓidini havho.
9 Nga zwenezwo, ra vhudzisa vhahulwane vhavho ra ri: ‘Ndi nnyi we a ni tendela uri ni fhaṱe yeneyi nnḓu na u fhedzisa tshenetshi tshifhaṱo?’*+
10 Ro dovha ra vha vhudzisa na madzina avho uri ri u ḓivhadze, uri ri kone u ṅwala madzina a vhanna vhane vha khou ranga phanḓa.
11 “Phindulo ye vha ri ṋea yone ndi heyi: ‘Ri vhashumeli vha Mudzimu wa ḽiṱaḓulu na ḽifhasi, ri khou fhaṱulula nnḓu ye ya fhaṱwa miṅwahani minzhi yo fhiraho, ye khosi-khulu ya Isiraele ya i fhaṱa ya i fhedza.+
12 Naho zwo ralo, nga nṱhani ha uri vhokhotsi ashu vho sinyusa Mudzimu wa ṱaḓulu,+ o vha kumedzela zwanḓani zwa Khosi Nebukadanetsara+ wa Babele, wa Mukaladea, we a thutha yeneyi nnḓu+ a isa vhathu vhuthubwani Babele.+
13 Naho zwo ralo, nga ṅwaha wa u thoma wa Korese khosi ya Babele, Khosi Korese o ri tendela uri ri fhaṱulule yeneyi nnḓu ya Mudzimu.+
14 Zwiṅwe hafhu, Khosi Korese o dzhia midzio ya musuku na ya siḽiva ya nḓuni ya Mudzimu ye Nebukadanetsara a vha o i dzhia thembeleni ngei Yerusalema, a i ḓisa thembeleni ya Babele.+ Ya ṋewa munna ane a pfi Sheshebatsara,*+ we Korese a mu ita muvhusi.+
15 Korese a amba nae a ri: “Dzhia yeneyo midzio. Iya u i vhee thembeleni ngei Yerusalema, nnḓu ya Mudzimu i fhaṱululwe fhethu he ya vha yo ima hone kale.”+
16 Ndi hone onoyo Sheshebatsara a tshi ḓa, a vhea mutheo wa nnḓu ya Mudzimu+ i re ngei Yerusalema; u bva nga tshenetsho tshifhinga u swika zwino i kha ḓi fhaṱiwa, fhedzi a i athu u fhela.’+
17 “Zwino arali khosi i tshi zwi takalela, nga hu itwe ṱhoḓisiso kha mbulungelo ya musanda i re henefho Babele, u itela u vhona arali Khosi Korese o tendela uri hu fhaṱululwe nnḓu ya Mudzimu ngei Yerusalema;+ ri rumelwe phetho ya khosi nga ha zwenezwo.”
Ṱhaluso dzi re magumoni a siaṱari
^ Kana “Yufuratha.”
^ Kana “enea matanda.”
^ Kana “tshiṱirikini tshi re na maanḓa.”
^ Kana “enea matanda.”
