Habakuku 2:1-20
2 Ndi ḓo ḓi dzula ndo ima fhethu he nda vhewa uri ndi linde ndi hone,+Ndi ḓo ima nṱha ha mutsheṱo.
Ndi ḓo dzula ndo lindela uri a mmbudze zwine nda ḓo zwi ambaNa zwine nda ḓo zwi amba musi ndi tshi kaidzwa.
2 Yehova a mphindula a ri:
“Ṅwala ḽeneḽi bono, u ḽi ṅwale zwavhuḓi kha tombo,+U itela uri ane a vhalela nṱha zwo ṅwaliwaho khaḽo a kone u vhala zwavhuḓi.+
3 Ngauri zwo vhonwaho kha bono zwi ḓo itea nga tshifhinga tsho vhewaho,Tshenetsho tshifhinga tshi ḓo ḓa nga u ṱavhanya, zwa vhukuma zwi ḓo itea.
Naho zwa lenga,* u dzule wo zwi lindela!*+
Ngauri zwi ḓo itea zwa vhukuma.
A zwi nga lengi!
4 Lavhelesa ane a ḓikukumusa;Ho ngo luga.
Fhedzi muvhuya u ḓo tshila ngauri u a fhulufhedzea.*+
5 Ngauri waini i a fhura,Ane a ḓihudza a nga si swikelele tshipikwa tshawe.
Ha furi u fana na Vhiḓa;*U nga lufu lu sa fushei.
U dzula a tshi kuvhanganya tshaka dzoṱheNa u kuvhanganya vhathu vhoṱhe.+
6 Naa vhenevha vhathu vhoṱhe a vha nga iti ngae murero, tshifanyiso na dzithai?+
Vha ḓo ri:
‘Khombo i ḓo ḓela ane a kuvhanganya zwi si zwawe,Ane a engedza tshikolodo tshawe!
Zwi ḓo itea u swika lini?
7 Naa vhane wa vha koloda vha nga si u ḓele nga u ṱavhanya?
Vha ḓo u takutshela vha u dzinginyisa,Vha u dzhiela zwithu zwau.+
8 Vhathu vhoṱhe vha ḓo u dzhiela zwithu zwauNgauri wo dzhiela dzitshaka zwithu,+Wa shulula malofha a vhathuNa u ita khakhathi kha ḽifhasi,Miḓini na kha vhane vha dzula khayo.+
9 Khombo i ḓo ḓela ane a vhuyedza vha nnḓu yawe nga vhuvhi,Uri a kone u fhaṱa tshiṱaha tshawe nṱha-nṱha,Uri a si welwe nga khombo!
10 Vhukwila hau ho shonisa vha nnḓu yau.
Wo ita tshivhi nga u vhulaya vhathu vhanzhi.+
11 Ngauri tombo ḽi ḓo lila ḽi luvhondoni,Ḽa fhindulwa nga thanda ya fureme.
12 Khombo i ḓo ḓela ane a fhaṱa muḓi nga u shulula malofha a vhathu,Na ane a khwaṱhisa muḓi nga zwivhi!
13 Naa a si Yehova wa mavhuthu ane a ita uri zwe vhathu vha zwi shumela nga maanḓa zwi fhiswe nga mulilo,Na u ita uri tshaka dzi shumele mahala?+
14 U fana na maḓi a tshi ḓadza lwanzhe+Na ḽifhasi ḽi ḓo ḓala nḓivho ya vhugala ha Yehova.
15 Khombo i ḓo ḓela o sinyuwaho,Ane a ṋea khonani dzawe zwa u nwa uri dzi kambiwe,Uri a dzi vhonele!
16 U ḓo nyadziwa nṱhani ha u huliswa.
Na iwe u ḓo nwiswa, wa vhonelwa uri a wo ngo fumba.*
Tshinwelo tsha Yehova tshi re kha tshanḓa tshawe tsha u ḽa tshi ḓo swika na kha iwe,+Wa shona nṱhani ha u huliswa;
17 Ngauri khakhathi ye ya vha hone Libanoni i ḓo itwa na kha iwe,Khombo ye ya tshuwisa zwivhanda i ḓo u ḓela,Ngauri wo shulula malofha a vhathuWa ita khakhathi kha ḽifhasi,Miḓini na kha vhane vha dzula khayo.+
18 Tshifanyiso tsho vhaḓiwaho tshi vhuyedza nganiHufha tsho vhaḓiwa nga muthu?
Tshifanyiso tsha tsimbi, tshi funzaho mazwifhi tshi vhuyedza ngani,Naho we a tshi ita a tshi tshi fhulufhela,A tshi ita midzimu i sa ambi, i sa thusi nga tshithu?+
19 Khombo i ḓo wela ane a amba na thanda a ri, “Vuwa!”
Kana a amba na tombo a ri, “Vuwa u ri funze!”
Zwo ḓodzwa musuku na siḽiva,+Fhedzi a zwi femi.+
20 Fhedzi Yehova u thembeleni yawe khethwa.+
Ḽifhasi ḽoṱhe kha ḽi fhumule phanḓa hawe!’”+
Ṱhaluso dzi re magumoni a siaṱari
^ Kana “arali zwi tshi vhonala u nga zwi khou lenga.”
^ Kana “zwi lavhelela.”
^ Kana khamusi, “u na lutendo; u a tenda.”
^ Kana “Sheol.” Sedzani Mutevhe Wa Ṱhalutshedzo Ya Maipfi.
^ Kana khamusi, “wa pepeleka.”
