Habakuku 3:1-19
3 Thabelo ya muporofita Habakuku, nga nyimbo dza zwililo:*
2 Yehova, ndo pfa nga ha iwe.
Yehova, mishumo yau i ya mmangadza.
Ita mishumo yau tshifhingani tshashu!*
Ita uri ri i ḓivhe tshifhingani tshashu.*
U songo hangwa u ri pfela vhuṱungu musi wo sinyuwa.+
3 Mudzimu o ḓa a tshi bva ngei Themani,Ene Mukhethwa a tshi bva Thavhani ya Pharani.+ (Selah)*
Vhuhulu hawe ho ḓadza ḽiṱaḓulu;+Ḽifhasi ḽoṱhe ḽi a mu renda.
4 O vha a tshi penya sa tshedza.+
Hu tshi penya tshedza thungo dzoṱhe dza tshanḓa tshawe,Henefho ndi hune ha vha na maanḓa awe.
5 O rangwa phanḓa nga malwadze,+A tshi khou tevhelwa nga mukhushwane.
6 O ima a dzinginyisa ḽifhasi.+
A ita uri tshaka dzi thamuwe nga u tou dzi sedza.+
Thavha dza lini na lini dza kwashekanywa,Zwikwara zwa kale zwa losha.+
Nḓila dza kale na kale ndi dzawe.
7 Ndo vhona madennde a Kushi e khomboni.
Malabi a dennde a shango ḽa Midiani a tshi khou dzinginyea.+
8 Yehova, naa u khou lwa na milambo,Naa wo sinyutshela milambo?
Kana wo sinyutshela lwanzhe,+U tshi vhuya wa ṋamela bere dzau?+
Wo kunda* nga gariki dzau.+
9 Wo bvisa vhura hau uri u thuntshe.
Zwiṱhavhane zwo lugela u ita mushumo wazwo u ya nga muano. (Selah)
U fhandekanya ḽifhasi nga milambo.
10 Thavha dzo pfa vhuṱungu dzi tshi u vhona.+
Ho na mvula khulu.
Vhukati ha lwanzhe ho pfala hu tshi khou vhomba.+
Maḓi a tshi ya nṱha.
11 Ḓuvha na ṅwedzi zwa ima fhethu hazwo hu re nṱha.+
Misevhe yau yo bva i tshi penya.+
Na pfumo ḽau ḽi tshi penya.
12 Wo tshimbila u mona na ḽifhasi wo sinyuwa.
Wa kandekanya dzitshaka wo sinyuwa.
13 Wo bva uri u tshidze vhathu vhau, u tshidze muḓodzwa wau.
Wo fhelisa murangaphanḓa wa nnḓu ya vhavhi.
Yo tshinyadzwa u bva nṱha u ya fhasi. (Selah)
14 Wo kwasha ṱhoho dza vhahali vhawe nga zwiṱhavhane zwaweMusi vha tshi ḓa sa ḓumbu uri vha mbalanganye.
Vha tshi takalela u fhelisa a pfaho vhuṱungu vho dzumbama.
15 Wo pfuka lwanzhe nga bere dzau,Wa pfuka vhukati ha magabelo mahulu.
16 Nda zwi pfa nda tetemela;Ndi tshi zwi pfa na meme dzanga dza tetemela.
Marambo anga a tetemela;+Na milenzhe yanga ya tetemela.
Fhedzi ndi lindela ḓuvha ḽa khombo ndo fhumula,+Ngauri ḽi khou ḓela vhathu vhane vha lwa na riṋe.
17 Naho muhuyu wa sa aṋwa,Na minḓirivhe ya sa aṋwa;Na muṱwari wa sa aṋwa,Masimuni hu si vhe na zwiḽiwa;Dangani hu si vhe na sambi,Kholomo dzi si tsha wanala dangani;
18 A vha nṋe, ndi ḓo pembelela Yehova;Nda takalela Mudzimu ane a ntshidza.+
19 Nṋe ndi khwaṱhiswa nga Yehova Murena Muvhusahoṱhe;+U ḓo ita uri milenzhe yanga i nge ya ntsaA ntshimbidza dzithavhani.+
Ṱhaluso dzi re magumoni a siaṱari
^ Kana “u ṱungufhala.”
^ Thevhedz., “vhukati ha miṅwaha.”
^ Thevhedz., “vhukati ha miṅwaha.”
^ Sedzani Mutevhe Wa Ṱhalutshedzo Ya Maipfi.
^ Kana “tshidza.”
