Hesekiele 15:1-8
-
Yerusalema ndi munḓirivhe u si na mushumo (1-8)
15 Yehova a dovha a amba na nṋe a ri:
2 “Murwa muthu, thanda ya munḓirivhe yo fhambana hani na ya miṅwe miri kana na ya tavhi ḽi bvaho kha miri ya ḓaka?
3 Naa yeneyo thanda i bvaho khawo i nga shumiswa u ita miṅwe mishumo? Kana naa vhathu vha nga ita ngawo tshithu tsha u fhahea thundu?
4 I poswa muliloni u itela uri mulilo u dugese, mulilo wa i fhisa thungo dzoṱhe na u i fhisa vhukati. Naa i kha ḓi ḓo shuma tshithu?
5 Naho yo vha yo fhelela, yo vha i sa ḓo shumiswa u ita tshithu. Zwino musi yo no swa nga mulilo i kha ḓi ḓo shuma mini!”
6 “Zwe Yehova Murena Muvhusahoṱhe a zwi amba ndi hezwi: ‘U fana na thanda ya munḓirivhe i re vhukati ha miri ya ḓaka, ye nda ita uri i vhaswe, ndi zwine nda ḓo zwi ita kha vhadzulapo vha Yerusalema.+
7 Ndo vha furalela. Vho ponyoka mulilo, fhedzi mulilo u ḓo vha fhisa. Ndi hone ni tshi ḓo ḓivha uri ndi nṋe Yehova, musi ndi tshi vha furalela.’”+
8 “‘Ndi ḓo ita uri shango ḽi vhe shubi+ ngauri a vho ngo fhulufhedzea,’+ u ralo Yehova Murena Muvhusahoṱhe.”
