Hesekiele 2:1-10
2 Ndi hone a tshi amba na nṋe a ri: “Murwa muthu,* ima nga milenzhe uri ndi kone u amba na iwe.”+
2 Musi a tshi amba na nṋe, muya wo ḓa kha nṋe wa ita uri ndi ime nga milenzhe+ uri ndi kone u pfa We a vha a tshi khou amba na nṋe.
3 A amba na nṋe a ri: “Murwa muthu, ndi khou u ruma kha vhathu vha Isiraele,+ kha lushaka lwa mashandukwa lwo shandukelaho nṋe.+ Vhone na vhomakhulukuku wavho vho nkhakhela u swika na ṋamusi.+
4 Ndi khou u ruma kha vhathu vha re na swili na vha re na mbilu dzo rindilaho,+ u ambe navho u ri, ‘Hezwi ndi zwe Yehova Murena Muvhusahoṱhe a zwi amba.’
5 Hu sa londwi uri vha a u thetshelesa kana a vha u thetshelesi, tenda vha ḓivha zwa uri muporofita o vha e vhukati havho,+ ngauri ndi nnḓu ya mashandukwa.+
6 “Fhedzi iwe murwa muthu, u songo vha ofha,+ u songo ofha zwine vha amba, naho wo tangwa nga mipfa,*+ u tshi khou dzula vhukati ha dziphame. U songo ofha zwine vha amba,+ u songo tshuwiswa nga zwifhaṱuwo zwavho,+ ngauri ndi vha nnḓu ya mashandukwa.
7 U ambe navho zwine nda u vhudza naho vha tshi u thetshelesa kana vha sa u thetshelesi, ngauri ndi mashandukwa.+
8 “Fhedzi iwe murwa muthu, thetshelesa zwine nda khou u vhudza. U songo vha ḽishandukwa u fana na vhenevha vha nnḓu ya mashandukwa. Aṱama mulomo wau u ḽe zwine nda khou u ṋea.”+
9 Musi ndo lavhelesa, nda vhona tshanḓa tshi tshi ḓa kha nṋe,+ tsho fara mupombo wo ṅwaliwaho.+
10 Musi a tshi u petulula phanḓa hanga, wo vha wo ṅwaliwa nga nnḓa na nga ngomu.+ Ho vha ho ṅwaliwa nyimbo dza zwililo na zwine zwa ṱungufhadza na zwine zwa lidza.+
Ṱhaluso dzi re magumoni a siaṱari
^ “Murwa muthu”; ndi mubulo une wa bvelela lwa 93 kha yeneyi bugu ya Hesekiele.
^ Kana khamusi, “naho vhathu vha na tshikhuna nahone vha tshi nga zwithu zwi u ṱhavhaho.”
