Hesekiele 25:1-17
25 Yehova a dovha a amba na nṋe, a ri:
2 “Murwa muthu, rembuluwa u lavhelese Vhaamoni,+ u porofite nga havho.+
3 U ambe nga ha Vhaamoni u ri, ‘Ipfani zwe Yehova Murena Muvhusahoṱhe a zwi amba. Zwe Yehova Murena Muvhusahoṱhe a zwi amba ndi hezwi: “Ngauri no ri ‘Koṱo!’ kha nnḓu khethwa yanga musi i tshi tshikafhadzwa, na kha shango ḽa Isiraele musi ḽi tshi tshinyadzwa, na kha nnḓu ya Yuda musi i tshi iswa vhuthubwani,
4 ndi khou ni kumedzela zwanḓani zwa vhathu vha bvaho Vhubvaḓuvha. Vha ḓo gammba vhukati haṋu, vha atha madennde avho vhukati haṋu. Vha ḓo ḽa mitshelo yaṋu na u nwa mafhi aṋu.
5 Ndi ḓo ita uri Raba+ hu vhe mafulo a gamela, shango ḽa Vhaamoni ḽi vhe vhuawelo ha masambi; ndi hone ni tshi ḓo ḓivha uri ndi nṋe Yehova.”’”
6 “Zwe Yehova Murena Muvhusahoṱhe a zwi amba ndi hezwi: ‘Ngauri no vhanda zwanḓa+ na giginya fhasi nga milenzhe musi ni tshi goḓa shango ḽa Isiraele,+
7 ndi ḓo imisela nṱha tshanḓa tshanga uri ndi ni kumedzele kha tshaka uri dzi ni thube. Ndi ḓo ni fhelisa ni si tsha vha lushaka, nda ni fhelisa na shangoni ḽaṋu.+ Ndi ḓo ni fhedza uri ni ḓivhe uri ndi nṋe Yehova.’
8 “Zwe Yehova Murena Muvhusahoṱhe a zwi amba ndi hezwi: ‘Ngauri Moaba+ na Seiri+ vho ri, “Nnḓu ya Yuda i nga dziṅwe tshaka dzoṱhe,”
9 ndi ḓo ita uri miḓi ya zwikwarani zwa Moaba i si tsireledzee, miḓi ya Bethe-yesimothe, Baali-meoni na u swika Kirethaimi,+ yone ine ya vha lunako lwa shango.
10 Ndi ḓo kumedzela Vhamoaba na Vhaamoni kha vhathu vha bvaho Vhubvaḓuvha,+ uri Vhaamoni vha si tsha ḓo humbulwa kha dzitshaka.+
11 Ndi ḓo haṱula Vhamoaba,+ vha ḓo ḓivha uri ndi nṋe Yehova.’
12 “Zwe Yehova Murena Muvhusahoṱhe a zwi amba ndi hezwi: ‘Edomo o ḓilifhedzela kha nnḓu ya Yuda, a ita mulandu muhulu nge a lifhedza;+
13 Yehova Murena Muvhusahoṱhe u ri: “Ndi ḓo imisela nṱha tshanḓa tshanga kha shango ḽa Edomo, nda ḽi ita shubi.+ U bva ngei Themani u swika ngei Dedani, vha ḓo vhulawa nga banga.+
14 ‘Ndi ḓo lifhedza Edomo ndi tshi shumisa vhathu vhanga vha Isiraele.+ Vha ḓo sumbedza mbiti na vhuhali hanga ngei Edomo, uri vha zwi pfe musi ndi tshi vha lifhedza,’+ u ralo Yehova Murena Muvhusahoṱhe.”’
15 “Zwe Yehova Murena Muvhusahoṱhe a zwi amba ndi hezwi: ‘Nga nṱhani ha uri Vhafilisita vho dzula vha tshi ni vhenga, vho vha vha tshi ṱoḓa u ḓilifhedzela na u fhelisa.+
16 Nga zwenezwo, Yehova Murena Muvhusahoṱhe u ri: “Vhafilisita ndi khou vha imisela tshanḓa tshanga,+ ndi ḓo fhelisa Vhakireti,+ nda fhelisa na vhadzulapo vha khunzi-khunzini vho salaho.+
17 Ndi ḓo vha lifhedza na u vha pfisa vhuṱungu nga nḓila yo kalulaho musi ndi tshi vha lifhedza, ndi hone vha tshi ḓo ḓivha uri ndi nṋe Yehova.”’”
