Hosea 1:1-11
1 Yehova o amba na Hosea* murwa wa Beeri misini ya mahosi a Yuda+ ane a vha Usia,+ Yothamu,+ Ahasi+ na Hiskia+ na tshifhingani tsha Yerobeamu+ murwa wa Yoasi+ ane a vha khosi ya Isiraele.
2 Musi Yehova a tshi amba na Hosea, Yehova o ri: “Ṱuwa u ye u vhinge mufumakadzi ane a ḓo rengisa muvhili,* u ḓo u bebela vhana nga u rengisa muvhili,* ngauri shango ḽo ṱutshela tshoṱhe Yehova nga nṱhani ha u rengisa muvhili.”*+
3 Hosea a ya a vhinga Gomere ṅwananyana wa Dibilaimi, onoyo a vhifha muvhilini a mu bebela murwa.
4 Yehova a amba nae a ri: “Mu rine dzina ḽa Yeseriele,* ngauri hu si kale ndi ḓo pfisa vhuṱungu vha nnḓu ya Yehu+ nge vha shulula malofha ngei Yeseriele, nda fhelisa vhuhosi ha vha nnḓu ya Isiraele.+
5 Nga ḽeneḽo ḓuvha ndi ḓo vunḓa vhura ha Isiraele Govhani ḽa Yeseriele.”
6 A dovha a vhifha muvhilini a beba ṅwananyana. Mudzimu a amba nae a ri: “Mu rine dzina ḽa Loruhama,* ngauri a thi tsha ḓo khathutshela+ vha nnḓu ya Isiraele, ndi ḓo vha pandela.+
7 Fhedzi ndi ḓo khathutshela vha nnḓu ya Yuda,+ ndi ḓo vha tshidza nṋe Yehova Mudzimu wavho;+ a thi nga vha tshidzi nga vhura kana nga banga kana nga nndwa kana nga bere kana nga vhaṋameli vha bere.”+
8 Musi Loruhama o no litshiswa u mama,* Gomere a vhifha muvhilini a beba murwa.
9 Mudzimu a ri: “Mu rine dzina ḽa Loami,* ngauri a ni vhathu vhanga na nṋe a thi nga ḓo vha waṋu.
10 “Vhathu vha Isiraele vha ḓo anda sa muṱavha wa lwanzhe, u sa kalei kana u vhalea.+ Na fhethu he vha vhudzwa u pfi, ‘A ni vhathu vhanga,’+ hu ḓo ambiwa navho ha pfi, ‘Ni vhana vha Mudzimu a tshilaho.’+
11 Vhathu vha Yuda na vha Isiraele vha ḓo kuvhanganywa vhoṱhe,+ vha ḓo ḓikhethela murangaphanḓa vha bva kha ḽeneḽo shango, ngauri ḓuvha ḽa Yeseriele ḽi ḓo vha ḽihulwane.+
Ṱhaluso dzi re magumoni a siaṱari
^ Ḽo fhelela ndi Hoshaya, zwine zwa amba uri “U Tshidzwa Nga Yehova; Yehova O Tshidza.”
^ Kana “ḓifara luvhi; ita zwa vhudzekani na vhathu vhanzhi.”
^ Kana “u ḓifara luvhi; u ita zwa vhudzekani na vhathu vhanzhi.”
^ Kana “u ḓifara luvhi; u ita zwa vhudzekani na vhathu vhanzhi.”
^ Zwine zwa amba uri “Mudzimu U Ḓo Ṱavha Mbeu.”
^ Zwine zwa amba uri “A Songo Khathutshelwaho.”
^ Kana “o no lumulwa.”
^ Zwine zwa amba uri “A Ni Vhathu Vhanga.”
