Hosea 10:1-15
10 “Isiraele ndi munḓirivhe une wa aṋwa mitshelo i si yavhuḓi.+
Musi mitshelo yawe i tshi engedzea, na aḽeṱare dzawe dzi a engedzea;+Musi shango ḽawe ḽi tshi bveledza zwithu zwavhuḓi, na phuphu dzawe khethwa dzi tou naka tshoṱhe.+
2 Mbilu dzavho ndi dza muhoyo;Zwino vha ḓo vhonwa mulandu.
Hu na ane a ḓo kwasha aḽeṱare dzavho na phuphu dzavho.
3 Vha ḓo amba vha ri, ‘A ri na khosi,+ ngauri a ro ngo ofha Yehova.
Khosi i nga ri itela mini?’
4 Vha amba zwi si na mushumo, vha ita miano ya vhufhura+ na u vhofha milanga;Khaṱhulo ine ya ḓa i nga zwimela zwi vhulayaho zwi re migeroni ya tsimu.+
5 Vhane vha dzula Samaria vha ḓo ofha zwine zwa ḓo itwa mudzimu wa tshifanyiso wa tshiṋamana tsha ngei Bethavena.+
Vhaṋe vhatsho vha ḓo tshi lilela,U katela na vhotshifhe vha mudzimu wa mazwifhi vhe vha tshi takalela nga nṱhani ha vhugala hatsho,Ngauri vha ḓo dzhielwa tshone tsha iswa vhuthubwani.
6 Tshi ḓo iswa Asuri tsha ṋewa khosi-khulu sa tshifhiwa.+
Efuraimi u ḓo shoniswa,Na Isiraele u ḓo shona nga nṱhani ha nyeletshedzo ye a i tevhela.+
7 Samaria na khosi yawe vha ḓo fheliswa,*+U fana na tavhi ḽo vunḓeaho ḽo papamalaho maḓini.
8 Fhethu ha vhurabeli ha ngei Bethavena,+ hune ha ita uri Isiraele a ite tshivhi,+ hu ḓo fheliswa.+
Hu ḓo mela mipfa na tsheṋe aḽeṱareni dzavho.+
Vhathu vha ḓo amba na thavha vha ri, ‘Ri tibeni!’
Vha amba na zwikwara vha ri, ‘Ri weleni!’+
9 Iwe Isiraele, u bva misini ya zwe zwa itea ngei Gibia wo ita tshivhi.+
Musi vhe henefho vho bvela phanḓa vha tshi ita tshenetshiḽa tshivhi.
Vhathu vha songo lugaho vha ngei Gibia a vho ngo vhulawa* vhoṱhe nndwani.
10 Musi ndi tshi funa, ndi ḓo vha kaidza.
Tshaka dzi ḓo kuvhanganywa uri dzi lwe navho,Vha ḓo hweswa vhukhakhi havho vhuvhili.*
11 Efuraimi o vha e kholomo i sa athu u dzwala yo gudiswaho, ine ya funa u fhula,A tho ngo vhaisa mutsinga wawe wavhuḓi.
Ndi ḓo ita uri muṅwe muthu a ṋamele* Efuraimi.+
Yuda u ḓo lima; Yakobo a mu kwashela maḓinga.
12 Ḓiṱavheleni zwivhuya, ni kaṋe lufuno lu sa shanduki.
Ḓilimeleni shango+Musi hu tshi kha ḓi vha na tshifhinga tsha u ṱoḓa Yehova,+U swikela a tshi ḓa a ni gudisa u ita zwivhuya.+
13 Fhedzi no ṱavha vhuvhi,Na kaṋa zwi songo lugaho,+No ḽa mitshelo ya vhufhura;Ngauri no fhulufhela nḓila dzaṋu,No fhulufhela mmbi yaṋu khulu.
14 Vhathu vhaṋu vha ḓo ṱavhelwa mukosi wa nndwa,Miḓi yaṋu yoṱhe yo tsireledzwaho nga mbondo i ḓo tshinyadzwa,+U fana na u tshinyadzwa he ha itwa nga Shalamani wa nnḓu ya Arabele,Musi vhomme vha tshi vhulawa na vhana vhavho nga ḓuvha ḽa nndwa.
15 Iwe Bethele,+ ngauri wo ita vhuvhi vhuhulu, hezwi ndi zwine zwa ḓo itea kha iwe,Nga maḓautsha, khosi ya Isiraele i ḓo fheliswa.”*+
Ṱhaluso dzi re magumoni a siaṱari
^ Thevhedz., “fhumudzwa.”
^ Kana “fheliswa.”
^ Zwi amba uri vha hwala milandu yavho sa dzhogo.
^ Kana “pane.”
^ Thevhedz., “fhumudzwa.”
