Hosea 12:1-14
12 “Efuraimi u fhulufhela zwithu zwi sa vhuyedzi.*
Ḓuvha ḽoṱhe u pandamedza muya wa vhubvaḓuvha.
U amba mazwifhi manzhi na u ita dzikhakhathi.
Vho ita muano na Asuri,+ vha isa mapfura Egipita.+
2 Yehova u khou sengisa Yuda;+U ḓo vhona mulandu Yakobo u ya nga nḓila dzawe,A mu lifhedza u ya nga mishumo yawe.+
3 O fara tshirethe tsha mukomana wawe e mbumbeloni ya mme awe,+A lwa na Mudzimu nga maanḓa awe oṱhe.+
4 O bvela phanḓa a tshi lwa na muruṅwa, a kunda.
O lila na u humbela uri a mu fhaṱutshedze.”+
O mu wana ngei Bethele, O amba na riṋe henengei,+
5 Yehova Mudzimu wa mavhuthu,+Yehova ndi dzina ḽine a humbulwa ngaḽo.+
6 “Vhuyelela kha Mudzimu wau,+U dzule u na lufuno lu sa shanduki na u haṱula nga nḓila yo teaho,+Na u dzula u tshi fhulufhela Mudzimu wau.
7 Fhedzi tshanḓani tsha murengisi hu na zwikalo zwa vhufhura;U funa u fhura vhathu.+
8 Efuraimi u dzula a tshi ri, ‘Ndo pfuma vhukuma;+Ndo wana lupfumo.+
Kha mishumo yanga yoṱhe, a vha nga wani vhukhakhi kana tshivhi.’
9 Fhedzi nṋe ndi Yehova Mudzimu wau, u bva ngei shangoni ḽa Egipita.+
Ndi ḓo ita uri u dovhe u dzule madenndeniSa maḓuvhani aḽa a musi hu na vhuṱambo nga tshifhinga tsho vhewaho.
10 Ndo amba na vhaporofita,+Nda engedza mabono avho,Nda amba nga zwifanyiso ndi tshi shumisa vhaporofita.
11 Ngei Giḽiada ho wanala vhufhura+ na mazwifhi.
Ngei Giligala vho ṋekedza zwiṱhavhelo zwa kholomo,+Aḽeṱare dzavho dzi nga thulwi dza matombo migeroni ya tsimu.+
12 Yakobo o shavhela shangoni* ḽa Aramu;*+Isiraele+ o shuma henefho uri a wane mufumakadzi,+A lisa nngu u itela u wana mufumakadzi.+
13 Yehova o shumisa muporofita u itela u bvisa Isiraele Egipita,+O vha o tsireledzwa nga muporofita.+
14 Efuraimi o ita vhukhakhi vhuhulu;+U kha ḓi vha na mulandu wa malofha;Murena wawe u ḓo mu lifhedza nga nṱhani ha lunyadzo lwawe.”+
Ṱhaluso dzi re magumoni a siaṱari
^ Thevhedz., “u khou ḽa muya.”
^ Thevhedz., “tsimuni.”
^ Kana “Siria.”
