Hosea 13:1-16
13 “Musi Efuraimi a tshi amba, vhathu vho vha vha tshi tetemela;O vha e na bvumo ngei Isiraele.+
Fhedzi o vha na mulandu nga nṱhani ha Baali,+ a fa.
2 Vho ṋaṋisa tshivhi tshavhoVha ita zwifanyiso zwa tsimbi nga siḽiva yavho;+Vha ita midzimu yavho ya zwifanyiso, ine ya vha mishumo ya vhathu vha re na vhutsila.
Vha amba vha ri, ‘Vhanna vhane vha ita tshiṱhavhelo kha vha khise zwiṋamana.’+
3 Vha ḓo nga makole a nga matsheloni,Vha nga ṅwando une wa ṱavhanya u fhela,Vha nga mungu une wa vhudzuliwa nga ḓumbu fhethu hune ha fhefherelwa hone,Vha nga vhutsi vhune ha bva kha buli ḽi re kha ṱhanga.
4 Fhedzi ndi nṋe Yehova Mudzimu wau, u bva ngei shangoni ḽa Egipita;+Wo vha u sa ḓivhi muṅwe Mudzimu nga nnḓa ha nṋe,A hu na muṅwe mutshidzi nga nnḓa ha nṋe.+
5 Ndo u ḓivha u sogani,+ shangoni ḽi si na maḓi.
6 Vho vha vho fushea nga mafulo avho,+Vho vha vho fushea, mbilu dzavho dza ḓihudza.
Vha nkhangwa.+
7 Ndi ḓo nga ndawana khavho,+Nda nga nngwe yo lalelaho nḓilani.
8 Ndi ḓo vha ḓela sa tshivhingwi tsho xedzaho vhana vhatsho,Ndi ḓo fhandula khana dzavho.
Ndi ḓo vha ḽa sa ndau;Vha ḓo ṱhukhukanyiwa nga tshivhanda.
9 Tshi ḓo u fhelisa, Iwe Isiraele,Ngauri wo ntshandukela, wo shandukela muthusi wau.
10 Zwino i ngafhi khosi yau, uri i ḓe i u tshidze miḓini yau yoṱhe,+Na vhavhusi* vhau, vhe wa amba nga havho wa ri,‘Nṋee khosi na vhakololo’?+
11 Ndo u ṋea khosi ndo sinyuwa,+Ndi ḓo i dzhia ndo halifha.+
12 Vhukhakhi ha Efuraimi a vhu nga hangwiwi;Zwivhi zwawe zwoṱhe zwo vhaliwa zwa ṅwaliwa fhasi.
13 U ḓo pfa vhuṱungu u fana na mufumakadzi a tshi khou beba.
Fhedzi ndi ṅwana a songo ṱalifhaho;Musi tshifhinga tsho swika tsha uri a bebwe ha ṱoḓi u bva mbumbeloni.
14 Ndi ḓo vha rengulula kha maanḓa a Vhiḓa;*Ndi ḓo vha vusa lufuni.+
Iwe Lufu, luvholela lwau lu ngafhi?+
Iwe Vhiḓa, u tshinyadza hau hu ngafhi?+
A thi tsha ḓo vha pfela vhuṱungu.
15 Naho a nga hula* vhukati ha dziṱhanga,Hu ḓo ḓa muya wa Yehova u bvaho vhubvaḓuvha,U tshi bva sogani, wa xisa tshisima tshawe.
Mbulungelo yawe i re na zwithu zwoṱhe zwa ndeme i ḓo thubiwa nga muṅwe muthu.+
16 Samaria u ḓo vhonwa mulandu,+ ngauri o shandukela Mudzimu wawe.+
Vha ḓo vhulawa nga banga,+Vhana vhavho vha ḓo vhulawa,Na vhafumakadzi vhavho vho vhifhaho muvhilini vha ḓo fhandulwa.”
Ṱhaluso dzi re magumoni a siaṱari
^ Thevhedz., “vhahaṱuli.”
^ Kana “Sheol.” Sedzani Mutevhe Wa Ṱhalutshedzo Ya Maipfi.
^ Kana “titima.”
