Hosea 14:1-9
14 “Iwe Isiraele, vhuyelela kha Yehova Mudzimu wau,+Ngauri wo khukhuliwa nga vhukhakhi hau.
2 Vhuyelela kha Yehova u na maipfi a u sumbedza uri wo rembuluwa,U ambe nae u ri, ‘Ngavhe u tshi ri hangwela vhukhakhi hashu+ na u ṱanganedza zwivhuya zwi bvaho kha riṋe,Ri ḓo u renda nga milomo yashu+ u fana na musi ri tshi u ṋekedza zwiṋamana.
3 Asuri ha nga ri tshidzi.+
A ri nga ḓo ṋamela bere,+A ri tsha ḓo amba na mishumo ya zwanḓa zwashu ra ri, “Mudzimu washu!”
Ngauri ndi iwe ane a pfela vhuṱungu ṅwana a si na khotsi.’+
4 Ndi ḓo vha fhodza vha si tsha dovha vha ita zwa u sa fhulufhedzea.+
Ndi ḓo vha funa nga mbilu yanga,*+Ngauri a tho ngo tsha mu sinyutshela.+
5 Ndi ḓo nga ṅwando kha Isiraele;U ḓo naka sa luvha ḽa volenga*Na midzi yawe i ḓo tsela fhasi sa miri ya Libanoni.
6 Matavhi awe a ḓo hula,Lunako lwawe lu ḓo nga muri wa muṱwari,A nukhelela sa muri wa Libanoni.
7 Vha ḓo dovha vha dzula fhasi ha murunzi wawe.
Vha ḓo ṱavha thoro, vha vha na maluvha sa munḓirivhe.+
Bvumo ḽawe ḽi ḓo nga sa waini ya Libanoni.
8 Efuraimi u ḓo ri, ‘Ndi kha ḓi ita mini nga midzimu ya zwifanyiso?’+
Ndi ḓo fhindula, nda mu ṱhogomela.+
Ndi ḓo nga muri wa mudzhunipa u re na maluvha.
Ndi nṋe ane a ḓo u ṋea mitshelo yau.”
9 Ndi nnyi o thanyaho? Kha pfesese hezwi zwithu.
Ndi nnyi o ṱalifhaho? Kha ḓivhe hezwi zwithu.
Ngauri nḓila dza Yehova dzo luga,+Vho lugaho vha ḓo tshimbila khadzo;Vhaitazwivhi vha ḓo khukhuliwa khadzo.