Hosea 3:1-5
3 Yehova a amba na nṋe a ri: “Dovha u fune onouḽa mufumakadzi ane a funiwa nga muṅwe munna na ane a khou ita vhupombwe,+ samusi na Yehova a tshi funa vhathu vha Isiraele+ naho vha tshi ya kha miṅwe midzimu+ na u funa khekhe dza nḓirivhe.”*
2 Ngauralo, nda mu renga nga shekele* dza siḽiva dza 15 na nga muelo wa homere* nthihi na hafu wa baḽi.
3 Nda amba nae nda ri: “U ḓo vha wanga lwa maḓuvha manzhi. U songo rengisa muvhili,* u songo ita zwa vhudzekani na muṅwe munna, na nṋe a thi nga zwi iti.”*
4 Ndi ngauri vhathu vha Isiraele vha ḓo fhedza tshifhinga tshilapfu vha si na khosi,+ muvhusi,* tshiṱhavhelo, phuphu khethwa, efodo+ na zwifanyiso zwa terafimi.*+
5 Nga murahu, vhathu vha Isiraele vha ḓo vhuya vha ṱoḓa Yehova Mudzimu wavho+ na Davida khosi yavho,+ vha ḓo ḓa kha Yehova maḓuvhani a vhufhelo vha tshi khou tetemela vha tshi itela u wana zwivhuya zwawe.+
Ṱhaluso dzi re magumoni a siaṱari
^ Dzo vha dzi tshi shumiswa kha vhurereli ha mazwifhi.
^ Shekele nthihi i lemela gramu dza 11,4. Sedzani Ṱhume. B14.
^ Homere i lingana na ḽithara dza 220. Sedzani Ṱhume. B14.
^ Kana “na nṋe a thi nga ḓo ita zwa vhudzekani na iwe.”
^ Kana “ḓifara luvhi (ita zwa vhudzekani na vhathu vhanzhi).”
^ Kana “mukololo.”
^ Kana “midzimu ya muṱani; midzimu ya zwifanyiso.”
