Hosea 4:1-19
4 Vhathu vha Isiraele, ipfani zwine Yehova a amba,Ngauri Yehova u ḓo sengisa vhathu vha ḽeneḽo shango,+Ngauri a hu na ngoho kana lufuno lu sa shanduki kana u ḓivha Mudzimu shangoni.+
2 Ho ḓala miano ya vhufhura,+ u zwifha na u vhulaya+U tswa na vhupombwe,+Na u dzulela u shulula malofha.+
3 Ndi ngazwo shango ḽi tshi ḓo ṱungufhala+Na vhathu vhoṱhe vha re khaḽo vha ḓo fhela;Zwivhanda na zwiṋoni,Na khovhe, zwi ḓo fhela.
4 “Naho zwo ralo, hu songo vha na muthu ane a lwa na iwe kana u u kaidza,+Ngauri vhathu vhau vha nga vhane vha lwa na tshifhe.+
5 U ḓo khukhulwa masiari,Na vhaporofita vha ḓo khukhulwa na iwe, zwa nga ndi vhusiku.
Ndi ḓo fhumudza* mme au.
6 Vhathu vhanga vha ḓo fhumudzwa,* ngauri a vha nḓivhi.
Ngauri a no ngo ṱoḓa u nḓivha,+Na nṋe ndi ḓo hana ni tshi vha tshifhe wanga;Ngauri no hangwa mulayo* wa Mudzimu waṋu,+Na nṋe ndi ḓo hangwa vharwa vhaṋu.
7 Musi vhotshifhe vha tshi engedzea, vho tou ṋaṋa u nkhakhela.+
Ndi ḓo shandula vhugala havho ha vha u nyadziwa.*
8 Vha ḽa nga nṱhani ha zwivhi zwa vhathu vhanga,Vha vhuyelwa nga vhukhakhi ha vhathu vhanga.
9 Ngauri vhathu vhanga na tshifhe vha a fana;Ndi ḓo vha pfisa vhuṱungu nga nṱhani ha vhuḓifari havho,Nda ita uri vha sedzane na masiandoitwa a mishumo yavho.+
10 Vha ḓo ḽa, fhedzi a vha nga furi.+
Vha ḓo ita zwa vhudzekani na vhathu vhanzhi,* fhedzi a vha nga engedzei,+Ngauri vho nyadza Yehova.
11 U rengisa muvhili,* waini na waini ntswaZwi ita uri muthu a si ite zwo lugaho.+
12 Vhathu vhanga vha ḓo ya kha midzimu yavho ya zwifanyiso zwa thanda,Vha ita zwine vha vhudzwa nga lubaḓa lwavho;*Ngauri u rengisa havho muvhili* zwi ita uri vha pambuwe,Vha hana u ḓiṱukufhadza kha Mudzimu wavho nga nṱhani ha u rengisa havho muvhili.*
13 Vha ita tshiṱhavhelo nṱha ha dzithavha,+Vha dubisa zwiṱhavhelo zwikwarani,Nga fhasi ha miri ya miouku, ya misiterokisi na miri mihulu yoṱhe,+Ngauri i na mirunzi yavhuḓi.
Ndi ngazwo vhananyana vhaṋu vha tshi rengisa muvhili.*
Na vhomazwale waṋu vha tshi ita vhupombwe.
14 A thi nga pfisi vhananyana vhaṋu vhuṱungu nga nṱhani ha u rengisa havho muvhili,*Na vhomazwale waṋu a thi nga vha pfisi vhuṱungu nga nṱhani ha vhupombwe havho.
Ngauri vhanna vha ṱuwa na dziphombweVha ita tshiṱhavhelo na vhathu vha u rengisa muvhili thembeleni;Vhenevho vhathu vha si na ṱhalukanyo+ vha ḓo tshinyadzwa.
15 Iwe Isiraele, naho u tshi rengisa muvhili,*+U songo ita uri Yuda a vhe na mulandu.+
U songo ḓa Giligala+ kana Bethavena,+U songo ana wa ri, ‘Ndi ana nga Yehova a tshilaho!’+
16 Isiraele u na tshikhuna u fana na kholomo i re na tshikhuna.+
Naa Yehova u ḓo vha lisa u fana na ngwana mafuloni?
17 Efuraimi u funa midzimu ya zwifanyiso.+
Mu litshe!
18 Musi halwa havho ho fhela,Vha ita zwa vhudzekani na vhathu vhanzhi.*
Vhavhusi vhawe vha funa vhuḓifari vhu shonisaho.+
19 U ḓo vhudzulwa nga muya,Vha ḓo shona zwiṱhavhelo zwavho.”
Ṱhaluso dzi re magumoni a siaṱari
^ Kana “fhelisa.”
^ Kana “fheliswa.”
^ Kana “ndayo.”
^ Kana khamusi, “Nṱhani ha u nṋea vhugala, vho nnyadza.”
^ Kana “Vha ḓo rengisa muvhili.”
^ Kana “U ḓifara luvhi; U ita zwa vhudzekani na vhathu vhanzhi.”
^ Kana “thonga ya mungome.”
^ Kana “u ḓifara havho luvhi; u ita havho zwa vhudzekani na vhathu vhanzhi.”
^ Kana “u ḓifara luvhi; u ita zwa vhudzekani na vhathu vhanzhi.”
^ Kana “ḓifara luvhi; ita zwa vhudzekani na vhathu vhanzhi.”
^ Kana “u ḓifara havho luvhi; u ita havho zwa vhudzekani na vhathu vhanzhi.”
^ Kana “u tshi ḓifara luvhi; u tshi ita zwa vhudzekani na vhathu vhanzhi.”
^ Kana “Vha ḓifara luvhi; Vha rengisa muvhili.”
