Hosea 5:1-15
-
Hu haṱulwa Efuraimi na Yuda (1-15)
5 “Inwi vhotshifhe,+ ipfani hezwi,Inwi vha nnḓu ya Isiraele, thetshelesani,Inwi vha nnḓu ya khosi, thetshelesani,Ngauri ni a katelwa kha khaṱhulo;Ngauri ni tshikwekwe kha MitsipaNi mambule o ṱharamudzelwaho Thaboro.+
2 Mashandukwa o ḓidzhenisesa kha u vhulaya,Ndi ḓo a kaidza oṱhe.
3 Efuraimi ndi a mu ḓivha,Isiraele a nga si ndzumbame.
Ngauri wo ita zwa vhudzekani na vhathu vhanzhi,* Iwe Efuraimi;Isiraele o ḓitshikafhadza.+
4 Mishumo yavho i ita uri vha si kone u humela kha Mudzimu wavho,Ngauri vha khou funesa zwa u rengisa muvhili;*+A vha ṱhogomeli uri nṋe Yehova, ndi Mudzimu wavho.
5 U ḓihudza ha Isiraele zwo ṋea vhuṱanzi vhu si havhuḓi nga hae;+Isiraele na Efuraimi vho khukhulwa nga vhukhakhi havho,Na Yuda o khukhulwa navho.+
6 Vho ya u ṱoḓa Yehova vhe na nngu na kholomo dzavho,Fhedzi a vho ngo mu wana.
O vha o ṱutshela kule navho.+
7 A vho ngo fhulufhedzea kha Yehova,+Ngauri vha na vhana na vhatsinda.
Vha ḓo fheliswa na masimu avho nga ṅwedzi muthihi.
8 Lidzani luṋanga+ ngei Gibia, ni lidze phalaphala ngei Rama!+
Ni ṱavhe mukosi wa nndwa ngei Bethavena,+ u range phanḓa, Iwe Benyamini!
9 Iwe Efuraimi, u ḓo vha tshithu tshi ofhisaho nga ḓuvha ḽine wa ḓo pfiswa vhuṱungu ngaḽo.+
Ndo ḓivhadza zwine zwa ḓo itea vhukati ha tshaka dza Isiraele.
10 Vhakololo vha Yuda vha nga vhane vha sudzulusa mukano.+
Ndi ḓo vha shululela mbiti dzanga sa maḓi.
11 Efuraimi o tsikeledzea, o kwashekanywa nga khaṱhulo,Ngauri o vha o ḓiimisela u tevhela swina ḽawe.+
12 Ndo vha ndi tshi nga muṱwa kha EfuraimiNdi tshi nga muunda kha vha nnḓu ya Yuda.
13 Musi Efuraimi a tshi vhona uri u khou lwala, Yuda a tshi vhona tshilonda tshawe,Efuraimi o ya kha khosi-khulu ya Asuri.+
Fhedzi ho ngo kona u u fhodza,Ho ngo kona u fhodza tshilonda tshau.
14 Ngauri ndi ḓo nga ndawana kha Efuraimi,Nda nga ndau kha vha nnḓu ya Yuda.
Ndi ḓo vha ṱhukhukanya nda ṱuwa;+Nda vha hwala, ha si vhe na ane a vha tshidza.+
15 Ndi ḓo ṱuwa nda humela hune nda dzula hone, u swika vha tshi sedzana na masiandoitwa a mulandu wavho,Vha ḓo kona u humbela thuso kha nṋe.+
Vha ḓo nṱoḓa musi vho tsikeledzea.”+
Ṱhaluso dzi re magumoni a siaṱari
^ Kana “wo ḓifara luvhi; wo rengisa muvhili.”
^ Kana “u ḓifara luvhi; u ita zwa vhudzekani na vhathu vhanzhi.”
