Hosea 6:1-11
6 “Iḓani ri vhuyelele kha Yehova,O ri ṱhukhukanya,+ fhedzi u ḓo ri fhodza.
O ri rwa, fhedzi u ḓo banditsha zwilonda zwashu.
2 U ḓo ri ṋea vhutshilo nga murahu ha maḓuvha mavhili.
A ri imisa nga ḓuvha ḽa vhuraru,Ra tshila phanḓa hawe.
3 Ri ḓo ḓivha, ri ḓo ṱoḓa u ḓivha Yehova zwa vhukuma.
U ḓo ḓa kha riṋe sa ḓuvha ḽi tshi bva nga matsheloni;U ḓo ḓa kha riṋe sa mvula i tshi na,U fana na mvula ya luṱavula* ine ya ṋukadza ḽifhasi.”
4 “Iwe Efuraimi, ndi ite mini nga iwe?
Iwe Yuda, ndi ite mini nga iwe?
Ngauri lufuno lwau lu sa shanduki lu nga makole a nga matsheloni,Lu nga ṅwando u ṱavhanyaho u fhela.
5 Ndi ngazwo ndi tshi ḓo vha rwa ndi tshi shumisa vhaporofita;+Ndi ḓo vha vhulaya nga maipfi a mulomo wanga.+
Nḓila ine nda ḓo ni haṱula ngayo i ḓo penya sa tshedza.+
6 Ngauri ndi takalela lufuno lu sa shanduki,* hu si tshiṱhavhelo,Ndi takalela u ḓivha nga ha Mudzimu, hu si zwifhiwa zwa u fhiswa.+
7 Fhedzi vha tou vha vhathu zwavho, vho vunḓa mulanga.+
A vho ngo fhulufhedzea kha nṋe.
8 Giḽiada ndi muḓi wa vhaitazwivhi,+Wo ḓala malofha.+
9 Vhotshifhe vha fana na zwigwada zwa mavemu zwo lalelaho muthu.
Vha vhulaya nḓilani ya Shikeme,+Ngauri vhuḓifari havho vhu a shonisa.
10 Ndo vhona tshithu tshi ofhisaho nḓuni ya Isiraele.
Efuraimi u rengisa muvhili henefho;+Isiraele o ḓitshikafhadza.+
11 Inwi vhathu vha Yuda, tshifhinga tsho vhewa; ni ḓo kuvhanganywa u fana na tshifhingani tsha khaṋo,Ndi ḓo kuvhanganya mathubwa a vhathu vhanga.”+
