Hosea 7:1-16
7 “Musi ndi tshi fhodza Isiraele,Ndi ḓo ita uri mulandu wa Efuraimi u vhe khagala,+Na vhuvhi ha Samaria.+
Ngauri vha ita zwa vhufhura;+Mbava dzi dzhena dza kwasha, zwigwada zwa mavemu zwi ṱhasela vha re nnḓa.+
2 Fhedzi a vha elekanyi mbiluni dzavho uri ndi ḓo humbula vhuvhi havho hoṱhe.+
Mishumo yavho i khagala;I phanḓa hanga.
3 Vha takadza khosi nga vhuvhi havho,Vhakololo vha vha takadza nga vhufhura havho.
4 Vhoṱhe vha ita vhupombwe,Vha fhisa sa mulilo wa honndoni wo vhaswaho nga mubaki,Ane a litsha u khuṱhedza mulilo musi o no suka fuḽauru u swika i tshi kukumuwa.
5 Vhakololo vho lwala nga ḓuvha ḽa vhuṱambo ha khosi,Vho sinyuswa nga waini.+
Khosi i ḓikonanya na vhagoḓi.
6 Ngauri mbilu dzavho dzi fhisa sa honndo.
Mubaki u eḓela vhusiku hoṱhe;Nga matsheloni, honndo i vha i tshi khou fhisa.
7 Vhoṱhe vha fhisa sa honndo,Vha fhelisa vhavhusi* vhavho.
Mahosi avho oṱhe o wa;+A hu na na muthihi ane a mmbidzelela.+
8 Efuraimi u ḓikonanya na dzitshaka.+
Efuraimi u fana na khekhe i songo rembuluswaho musi i tshi bakiwa.
9 Vhatsinda vho fhedza nungo dzawe,+ fhedzi ha zwi ḓivhi.
U na mmvi ṱhohoni, fhedzi ha zwi vhoni.
10 U ḓihudza ha Isiraele ho ṋea vhuṱanzi vhu si havhuḓi nga hae,+Hu sa londwi zwenezwi zwoṱhe, a vho ngo vhuyelela kha Yehova Mudzimu wavho,+Kana u mu ṱoḓa.
11 Efuraimi u fana na ḽiivha ḽa tsilu, ḽi si na ṱhalukanyo.+
Vho vhidzelela Egipita;+ vho ya Asuri.+
12 Ndi ḓo vha ṱharamudzela mambule hoṱhe hune vha ya.
Ndi ḓo ita uri vha we sa zwiṋoni.
Ndi ḓo vha kaidza u tendelana na tsevho ye nda i ṋekedza tshivhidzo tshavho.+
13 Khombo khavho, ngauri vho ntshavha!
Khombo khavho, ngauri vho nkhakhela!
Ndo vha ndo ḓiimisela u vha rengulula, fhedzi vho amba mazwifhi nga ha nṋe.+
14 A vho ngo mmbidzelela zwi tshi bva mbiluni musi vha tshi ṱoḓa thuso,+Naho vha tshi dzulela u lila vhe mimbeteni yavho.
Vha ḓitshea uri vha wane thoro na waini ntswa;Vha a ntshandukela.
15 Naho ndo vha kaidza na u khwaṱhisa zwanḓa zwavho,Vha lwa na nṋe, vha ita vhukwila.
16 Vho shandula nḓila dzavho, fhedzi vha si ye kha ya khwine;*A vho ngo fhulufhedzea sa vhura ho rembeḓaho.+
Vhakololo vhavho vha ḓo vhulawa nga banga nga nṱhani ha vhushandukwa havho.
Vha ḓo goḓiwa shangoni ḽa Egipita nga nṱhani ha zwenezwo.”+
Ṱhaluso dzi re magumoni a siaṱari
^ Thevhedz., “vhahaṱuli.”
^ A si vhurabeli vhu re vhuimoni ha nṱha.
