Hosea 8:1-14
8 “Lidza luṋanga!+
Swina ḽi ḓa u lwa na nnḓu ya Yehova sa goni,+Ngauri vho vunḓa mulanga+ wanga na mulayo wanga.+
2 Vha nṱavhela mukosi vha ri, ‘Iwe u Mudzimu washu, riṋe Vhaisiraele ri a u ḓivha!’+
3 Isiraele o litsha u ita zwavhuḓi.+
Kha pandamedzwe nga swina.
4 Vho ḓikhethela* mahosi, vha songo mmbudzisa.
Vho ḓikhethela* vhakololo, fhedzi a thi vha ḓivhi.
Vho ita midzimu ya zwifanyiso nga siḽiva yavho na musuku wavho,+Uri vha fheliswe.+
5 Iwe Samaria,+ ṋamana yau yo laṱwa.
Ndo u sinyutshela zwihulu.+
Zwi ḓo dzhia tshifhinga tshingafhani uri u dovhe u kune?
6 Ngauri yeneyo ṋamana i bva Isiraele.
A i Mudzimu, yo itwa nga munna a re na vhutsila;Yeneyo ṋamana ya Samaria i ḓo kwashekanywa.
7 Ngauri vha ṱavha muya,Vha ḓo kaṋa ḓumbu.+
A hu na tsinde ḽine ḽa aṋwa thoro;+Zwo melaho a zwi iti fuḽauru.
Arali ya vha hone, vhatsinda vha ḓo i ḽa.+
8 Isiraele u ḓo miliwa.+
Vha ḓo nga mudzio u sa funiwi,+Vhukati ha dzitshaka.
9 U fana na donngi ine ya tshimbila i yoṱhe, vho ya Asuri.+
Efuraimi o thola vhane vha rengisa muvhili uri vha vhe vhafunwa vhawe.+
10 Naho vha tshi vha thola vhukati ha dzitshaka,Ndi ḓo vha kuvhanganya;Vha ḓo tambula+ nga nṱhani ha muhwalo we vha hweswa nga khosi na vhakololo.
11 Ngauri Efuraimi o ita aḽeṱare nnzhi zwa ita uri a ite tshivhi.+
Dzo vha aḽeṱare dze a itela tshivhi khadzo.+
12 Ndo mu ṅwalela milayo* minzhi,Fhedzi a yo ngo dzhielwa nṱha.+
13 Vha nṋekedza zwiṱhavhelo, vha ḽa ṋama yazwo,Fhedzi Yehova ha zwi takaleli.+
U ḓo humbula vhukhakhi havho, a vha pfisa vhuṱungu nga nṱhani ha zwivhi zwavho.+
Vho humela* Egipita.+
14 Isiraele o hangwa Musiki wawe,+ o fhaṱa thembele,+Yuda o engedza miḓi yo tsireledzwaho nga mbondo.+
Fhedzi ndi ḓo rumela mulilo miḓini yawe,Wa fhisa mitsheṱo ya miḓi yoṱhe.”+
Ṱhaluso dzi re magumoni a siaṱari
^ Kana “vhea; rwela ṱari.”
^ Kana “vhea; rwela ṱari.”
^ Kana “ndayo.”
^ Kana khamusi, “Vha ḓo humela.”
