Hosea 9:1-17
9 “Iwe Isiraele, u songo takala,+U songo pembela sa dzitshaka.
Wo ṱutshela Mudzimu wau nge wa rengisa muvhili.*+
Wa funa muholo we wa u wana nga u rengisa muvhili, fhethu hoṱhe hune ha fhefherelwa hone thoro.+
2 Fhedzi a vha nga ḓo ḽa zwine vha zwi wana fhethu hune ha fhefherelwa hone na u nwa zwa hune ha sukelwa hone nḓirivhe,Na waini yawe ntswa i ḓo fhela.+
3 A vha tsha ḓo dzula shangoni ḽa Yehova;+Nṱhani hazwo, Efuraimi u ḓo humela Egipita,Vha ḓo ḽa zwi re na tshika ngei Asuri.+
4 A vha tsha ḓo shululela Yehova zwifhiwa zwa waini;+Ha nga takaleli zwiṱhavhelo zwavho.+
Zwi ḓo tou nga vhurotho ha zwililo;Vhoṱhe vhane vha vhu ḽa vha ḓo vha na tshika.
Ngauri vhurotho havho ndi havho vhe vhoṱhe;A vhu nga ḓo dzhena nḓuni ya Yehova.
5 U ḓo ita mini nga ḓuvha ḽa muṱangano,Nga ḓuvha ḽa vhuṱambo ha Yehova?
6 Vha tea u shavha ngauri swina ḽi ḓo ḓa ḽa vha fhelisa.+
Egipita ḽi ḓo vha kuvhanganya,+ vha vhulungelwa ngei Memifisi.+
Zwiṱaka zwa mipfa zwi ḓo mela fhethu he vha vha vha tshi vhea hone zwithu zwavho zwa ndeme zwa siḽiva,Madenndeni avho hu ḓo ḓala zwiṱaka zwa mipfa.
7 Maḓuvha a u haṱula a ḓo ḓa,+Maḓuvha a u lifhedza a ḓo ḓa,Isiraele u ḓo zwi ḓivha.
Muporofita wavho u ḓo vha tsilu, munna o hevhedzwaho u ḓo penga;Iwe u vhengwa zwihulu ngauri vhukhakhi hau ndi vhuhulu.”
8 Mulindi+ wa Efuraimi o vha e na Mudzimu wanga.+
Fhedzi zwino nḓila dzoṱhe dza vhaporofita vhawe+ dzi nga zwikwekwe zwa murei wa zwiṋoni;Nḓuni ya Mudzimu wawe hu na vengo.
9 Vho ḓidzhenisesa kha zwithu zwine zwa ḓo ita uri vha fheliswe, u fana na zwe zwa itea ngei Gibia.+
U ḓo humbula vhukhakhi havho, a vha pfisa vhuṱungu nga nṱhani ha zwivhi zwavho.+
10 “Ndo wana Isiraele sa nḓirivhe dza sogani.+
Ndo vhona vhomakhulukuku waṋu sa mahuyu ane a thoma u vhibva.
Fhedzi vho ya kha Baali wa Pheoro;+Vho ḓikumedzela kha zwithu zwi shonisaho,*+Vha vha zwithu zwi nengisaho sa tshithu tshine vha tshi funa.
11 Vhugala ha Efuraimi vhu fhufha sa tshiṋoni;A vha vhifhi muvhilini kana u beba.+
12 Naho vha alusa vhana,Ndi ḓo vha fhelisa u swikela vhoṱhe vha tshi fhela;+Khombo khavho musi ndi tshi vha furalela!+
13 Ndo vhona Efuraimi a tshi nga Tiro o ṱavhiwa pfuloni;+Zwino Efuraimi u tea u ḓisa vharwa vhawe uri vha vhulawe.”
14 Iwe Yehova, vha ṋee zwine wa tea u vha ṋea zwone;Ita uri vhana vhavho vha fe vha tshee mbumbeloni na maḓamu avho a si vhe na mikando.
15 “Vhuvhi havho hoṱhe ho vha vhu ngei Giligala,+ ngauri ndo thoma u vha vhenga henengei.
Ndi ḓo vha pandela nḓuni yanga nga nṱhani ha zwiito zwavho zwivhi.+
A thi tsha ḓo vha funa;+Vhakololo vhavho vhoṱhe vha na tshikhuna.
16 Efuraimi u ḓo rwiwa.+
Midzi yavho i ḓo oma, vha si tsha aṋwa mitshelo.
Naho vha beba vhana vhane vha vha funa, ndi ḓo vha vhulaya.”
17 Mudzimu wanga u ḓo vha landula,Ngauri a vho ngo mu thetshelesa,+Vha ḓo vha tshavhi vhukati ha dzitshaka.+
Ṱhaluso dzi re magumoni a siaṱari
^ Kana “wa ḓifara luvhi; wa ita zwa vhudzekani na vhathu vhanzhi.”
^ Kana “mudzimu a shonisaho.”
