Levitiko 12:1-8
-
U kunakiswa ha mufumakadzi o no beba (1-8)
12 Yehova a amba na Mushe a ri:
2 “Vhudza Vhaisiraele u ri: ‘Arali mufumakadzi a vhifha muvhilini, a beba ṅwana wa mutukana, u ḓo vha na tshika lwa maḓuvha a sumbe, u fana na musi a tshi vha na tshika musi e maḓuvhani.+
3 Nga ḓuvha ḽa vhumalo onoyo ṅwana u ḓo fumbiswa.+
4 A dzule maḓuvha a 33 a tshi khou ḓikunakisa kha malofha. Ho ngo tea u kwama tshithu naho tshi tshifhio tshikhethwa, ho ngo fanela u ya fhethu hukhethwa u swika maḓuvha awe a u ḓikunakisa a tshi fhela.
5 “‘Arali a beba ṅwana wa musidzana, u ḓo vha na tshika lwa maḓuvha a 14, u fana na musi a tshi vha na tshika musi e maḓuvhani. A dzule maḓuvha a 66 a tshi khou ḓikunakisa kha malofha.
6 Musi maḓuvha awe a u ḓikunakisa o fhela musi o no vha na ṅwana wa mutukana kana wa musidzana, u ḓo isa thutha ya ṅwaha muthihi sa tshifhiwa tsha u fhiswa+ na fhondo ḽa ḽiivha kana ḽiivha-muronzhe sa tshifhiwa tsha u pfumelela tshivhi ha tshifhe muṋangoni wa dennde ḽa muṱangano.
7 Tshifhe u ḓo zwi ṋekedza phanḓa ha Yehova, a mu pfumelela, u ḓo vha o kuna kha u shuluwa hawe malofha. Wonoyu ndi mulayo wa musi mufumakadzi o beba ṅwana wa mutukana kana wa musidzana.
8 Fhedzi arali a si na tshelede yo linganaho ya u renga nngu, a ise maivha-muronzhe+ mavhili kana mafhondo mavhili a maivha, ḽithihi ḽi ḓo vha ḽa tshifhiwa tsha u fhiswa ḽiṅwe ḽa vha ḽa tshifhiwa tsha u pfumelela tshivhi, tshifhe u ḓo mu pfumelela, u ḓo kuna.’”