Levitiko 16:1-34
-
Ḓuvha ḽa u Pfumelelwa (1-34)
16 Yehova a amba na Mushe nga murahu ha lufu lwa vharwa vhavhili vha Aroni vhe vha fa musi vha tshi khou sendela tsini na Yehova.+
2 Yehova a amba na Mushe a ri: “Vhudza Aroni mukomana wau uri a songo dzhena fhethu hukhethwa+ tshifhinga tshiṅwe na tshiṅwe a ya murahu ha khetheni,+ phanḓa ha mutibo wa Mbulungelo uri a sa ḓo fa,+ ngauri ndi ḓo ḓa kha mutibo+ ndi kha gole.+
3 “Zwine Aroni a tea u ḓa nazwo musi a tshi dzhena fhethu hukhethwa ndi hezwi: mbohwana ya tshifhiwa tsha u pfumelela tshivhi+ na thutha ya tshifhiwa tsha u fhiswa.+
4 A ambare tshiambaro tshikhethwa tsha ḽinene,+ zwirukhu+ zwa ḽinene zwi fanela u fukedza muvhili wawe, a ḓivhofhe nga bannda+ a vhofhe na dugu.+ Ndi zwiambaro+ zwikhethwa. U ḓo ṱamba nga maḓi+ a zwi ambara.
5 “Kha tshivhidzo tsha Vhaisiraele+ a dzhie zwibokoṱo zwivhili zwa tshifhiwa tsha u pfumelela tshivhi na thutha nthihi ya tshifhiwa tsha u fhiswa.
6 “Aroni a ṋekedze mboho ya tshifhiwa tsha u pfumelela tshivhi a tshi itela ene muṋe, u ḓo ḓipfumelela+ na u pfumelela muṱa wawe.
7 “Nga murahu ha zwenezwo, a dzhie mbudzi mbili a dzi imise phanḓa ha Yehova muṋangoni wa dennde ḽa muṱangano.
8 Aroni u ḓo ita madeṅwa nga dzenedzo mbudzi mbili, ḽiṅwe deṅwa ḽi ḓo vha ḽa Yehova ḽiṅwe ḽa vha ḽa Azazele.*
9 Aroni u ḓo ṋekedza mbudzi yo mvaṱwaho+ uri i vhe ya Yehova a i ite tshifhiwa tsha u pfumelela tshivhi.
10 Fhedzi mbudzi yo mvaṱwaho nga deṅwa uri i vhe ya Azazele i fanela u ḓiswa i tshi khou tshila, i ime phanḓa ha Yehova uri hu itwe tshipfumelelo khayo, i kone u swogelwa sogani, i kone u vha ya Azazele.+
11 “Aroni u ḓo ṋekedza mboho ya tshifhiwa tsha u pfumelela tshivhi, a tshi itela ene muṋe, u ḓo ḓipfumelela na u pfumelela muṱa wawe; nga murahu u ḓo ṱhavha mboho ya tshifhiwa tsha u pfumelela tshivhi, a tshi itela ene muṋe.+
12 “U ḓo dzhia tshithu tsha u okela+ mulilo tsho ḓala nga maxale* ane a khou duga a bvaho kha aḽeṱare+ i re phanḓa ha Yehova, na zwanḓa zwivhili zwo ḓala nga zwioro+ zwi nukhelelaho zwavhuḓi, u ḓo zwi dzhenisa nga murahu ha khetheni.+
13 U ḓo dovha a zwi shela kha mulilo u re phanḓa ha Yehova,+ vhutsi ha zwioro vhu ḓo tsira mutibo wa Mbulungelo,+ une wa vha nṱha ha mbulungelo ya mulanga,*+ uri a si fe.
14 “U ḓo dzhia maṅwe a malofha+ a mboho a a hasha nga munwe wawe phanḓa ha mutibo thungo ya vhubvaḓuvha, maṅwe malofha u ḓo a hasha nga munwe wawe lwa sumbe phanḓa ha mutibo.+
15 “A ṱhavhe tshibokoṱo tsha tshifhiwa tsha u pfumelela tshivhi, a tshi itela vhathu,+ a ḓise malofha atsho nga murahu ha khetheni,+ malofha+ atsho a a ite zwi fanaho na zwe a ita nga malofha a mboho; a hashe thungo ha mutibo na phanḓa ha mutibo.
16 “A ite tshipfumelelo a tshi itela fhethu hukhethwa nga nṱhani ha mishumo i songo kunaho ya Vhaisiraele na vhutshinyi havho na zwivhi zwavho,+ zwenezwo ndi zwine a fanela u zwi itela dennde ḽa muṱangano, ḽine ḽa vha vhukati havho, vhukati ha mishumo yavho i songo kunaho.
17 “A ho ngo fanela u vha na muṅwe muthu denndeni ḽa muṱangano musi Aroni a tshi dzhena fhethu hukhethwa u itela u ita tshipfumelelo u vhuya u swika a tshi bva. U ḓo ḓipfumelela na u pfumelela muṱa wawe+ na tshivhidzo tshoṱhe tsha Isiraele.+
18 “A ḓe aḽeṱareni+ i re phanḓa ha Yehova, a i itele tshipfumelelo, a dzhie maṅwe malofha a mboho na malofha a tshibokoṱo a a ḓodze kha ṋanga dza aḽeṱare thungo dzoṱhe.
19 U ḓo dovha a hasha maṅwe malofha khayo nga munwe wawe lwa sumbe u itela u i kunakisa, a i ite khethwa kha mishumo i songo kunaho ya Vhaisiraele.
20 “Musi o fhedza u ita tshipfumelelo+ tsha fhethu hukhethwa na dennde ḽa muṱangano na aḽeṱare,+ u ḓo dovha a ḓisa mbudzi ine ya khou tshila.+
21 Aroni u fanela u vhea zwanḓa zwawe kha ṱhoho ya mbudzi ine ya khou tshila, a bule vhukhakhi hoṱhe ha Vhaisiraele, vhutshinyi havho hoṱhe na zwivhi zwavho zwoṱhe, a zwi vhee ṱhohoni ya yeneyo mbudzi,+ a ite uri i khadelwe sogani nga muthu we a nangwa uri a ite wonoyo mushumo.*
22 Mbudzi i ḓo hwala vhukhakhi+ havho hoṱhe ya vhu isa ḓakani,+ u ḓo khadela yeneyo mbudzi sogani.+
23 “Aroni u ḓo dzhena denndeni ḽa muṱangano a bvula zwiambaro zwa ḽinene zwe a zwi ambara musi a tshi dzhena fhethu hukhethwa, u ḓo zwi sia henefho.
24 A ṱambe nga maḓi+ henefho fhethu hukhethwa, a ambare zwiambaro+ zwawe uri a kone u bvela nnḓa a ṋekedze tshifhiwa tshawe tsha u fhiswa+ na tshifhiwa tsha u fhiswa tsha vhathu,+ a ḓipfumelele na u pfumelela vhathu.+
25 U ḓo dubisa mapfura a tshifhiwa tsha u pfumelela tshivhi kha aḽeṱare.
26 “Muthu o khadelaho kule tshibokoṱo tsha Azazele+ u fanela u kuvha zwiambaro zwawe, a ṱambe nga maḓi, ndi hone a tshi ḓo kona u dzhena madenndeni.
27 “Mboho ya tshifhiwa tsha u pfumelela tshivhi na tshibokoṱo tsha tshifhiwa tsha u pfumelela tshivhi, zwe malofha azwo a ḓiswa fhethu hukhethwa u itela tshipfumelelo, a ḓo bviselwa nnḓa ha madennde, mikumba yazwo, ṋama yazwo na muswane zwi ḓo fhiswa nga mulilo.+
28 Ane a zwi fhisa u fanela u kuvha zwiambaro zwawe a ṱambe nga maḓi, ndi hone a tshi ḓo kona u dzhena madenndeni.
29 “Mulayo waṋu wa lini na lini u ḓo vha hoyu: Nga ṅwedzi wa vhusumbe nga ḓuvha ḽa vhufumi ḽa ṅwedzi ni fanela u ḓidzima, a no ngo fanela u shuma mushumo naho u ufhio,+ hu sa londwi uri ndi mudzulapo kana ndi mutsinda ane a khou dzula na inwi.
30 Ngauri nga ḽeneḽo ḓuvha ni ḓo itelwa tshipfumelelo+ uri ni kune. Ni ḓo kuna kha zwivhi zwaṋu zwoṱhe phanḓa ha Yehova.+
31 Ndi ḓuvha ḽa savhatha ḽa uri ni awele tshoṱhe, ni fanela u ḓidzima.+ Ndi mulayo wa lini na lini.
32 “Tshifhe o ḓodzwaho+ na o vhewaho+ vhudzuloni ha khotsi+ awe u ḓo ita tshipfumelelo, a ambara zwiambaro+ zwa ḽinene zwine zwa vha zwiambaro zwikhethwa.+
33 U ḓo itela tshipfumelelo nnḓu khethwa,+ dennde ḽa muṱangano+ na aḽeṱare;+ u ḓo pfumelela vhotshifhe na tshivhidzo tshoṱhe.+
34 Zwenezwo zwi ḓo shuma sa mulayo wa lini na lini kha inwi+ luthihi ṅwaha muṅwe na muṅwe musi ni tshi pfumelela Vhaisiraele kha zwivhi zwavho zwoṱhe.”+
A ita zwe Yehova a laya Mushe.
Ṱhaluso dzi re magumoni a siaṱari
^ Khamusi zwi amba uri “Mbudzi Ine Ya Ngalangala.”
^ Kana “masimbe.”
^ Thevhedz., “mbulungelo i re na zwine zwa vha vhuṱanzi.”
^ Kana “muthu ane a ima o ḓilugiselela.”
