Levitiko 6:1-30
6 Yehova a amba na Mushe a ri:
2 “Arali muthu a ita tshivhi, a si fhulufhedzee kha Yehova+ nga u fhura muhura wawe kha tshithu tshe a ṋewa tshone+ kana tshithu tshe a fariswa kana u fhura muhura wawe kana u mu zwifhela
3 kana o wana tshiṅwe tshithu tsho xela a zwifha nga hatsho, arali a ana nga mazwifhi nga ha tshivhi tshenetsho tshe a tshi ita,+ zwine a fanela u zwi ita ndi hezwi:
4 Arali o ita tshivhi, e na mulandu, u tea u humisa zwe a zwi tswa, zwe a zwi dzhia nga u kombetshedza, zwe a zwi dzhia nga vhufhura, tshiṅwe na tshiṅwe tshe a vha o ṋewa tshone, kana tshithu tsho xelaho tshe a tshi wana,
5 kana tshiṅwe na tshiṅwe tshe a tshi anela nga mazwifhi, u tea u tshi lifha nga vhuḓalo,+ a engedze tshipiḓa tshithihi kha zwiṱanu tsha mutengo watsho. A zwi ṋee muṋe wazwo nga ḓuvha ḽine a ḓo vhonwa mulandu.
6 A ḓise thutha i sa lwaliho kha tshifhe sa tshifhiwa tsha u pfumelela mulandu kha Yehova u ya nga mutengo wo anganyelwaho, u itela tshifhiwa tsha u pfumelela mulandu.+
7 Tshifhe u ḓo mu pfumelela kha Yehova, u ḓo hangwelwa tshine a ḓo vha o tshi ita tshe tsha ita uri a vhe na mulandu.”+
8 Yehova a bvela phanḓa a tshi amba na Mushe, a ri:
9 “Vhudza Aroni na vharwa vhawe uri: ‘Hoyu ndi mulayo wa tshifhiwa tsha u fhiswa:+ Tshifhiwa tsha u fhiswa tshi ḓo sala henefho muliloni kha aḽeṱare vhusiku hoṱhe u swika nga matsheloni, mulilo u ḓo litshwa u tshi khou duga kha aḽeṱare.
10 Tshifhe u ḓo ambara tshiambaro tsha ḽinene tshine a shuma ngatsho,+ a dovha a ambara na kurukhu+ kwa ḽinene. U ḓo bvisa miḽora*+ i re kha aḽeṱare ya tshifhiwa tsha u fhiswa tshe tsha fhiswa nga mulilo, a i vhea tsini na aḽeṱare.
11 A bvule zwiambaro+ zwawe a ambare zwiṅwe, a dzhie miḽora a i ise fhethu ho kunaho nnḓa ha madennde.+
12 Mulilo u ḓo litshwa u tshi khou duga nṱha ha aḽeṱare. A wo ngo tea u dzima. Tshifhe u tea u dzhenisa khuni+ khawo nga matsheloni maṅwe na maṅwe, a vhekanye tshifhiwa tsha u fhiswa khawo, a dubise na mapfura a tshiṱhavhelo tsha u pfumedzana khawo.+
13 Mulilo u ḓo litshwa u tshi khou duga nṱha ha aḽeṱare. A wo ngo tea u dzima.
14 “‘Mulayo wa tshifhiwa tsha thoro ndi hoyu:+ Inwi vharwa vha Aroni ni fanela u tshi ḓisa phanḓa ha Yehova phanḓa ha aḽeṱare.
15 Muṅwe wavho u ḓo ṱusa fuḽauru tsekene yo ḓadzaho tshanḓa ya tshifhiwa tsha thoro na maṅwe a mapfura atsho na zwioro zwoṱhe zwitshena zwine zwa vha kha tshifhiwa tsha thoro, a zwi dubise kha aḽeṱare uri zwi nukhelele sa tshifhiwa tsha tshihumbudzi kha Yehova.+
16 Zwo salaho khayo zwi ḓo ḽiwa nga Aroni na vharwa vhawe.+ Zwi fanela u ḽiwa sa vhurotho vhu si na mbiliso henefho fhethu hukhethwa. Vha ḓo zwi ḽa muṱani wa dennde ḽa muṱangano.+
17 Musi vhu tshi bakwa, vhu songo ṱanganyiswa na tshithu tshi re na mbiliso.+ Ndo vha ṋea hone na mukovhe u bvaho kha zwifhiwa zwanga zwo fhiswaho nga mulilo.+ Ndi vhukhethwa-khethwa+ u fana na tshifhiwa tsha u pfumelela tshivhi na tshifhiwa tsha u pfumelela mulandu.
18 Vhu ḓo ḽiwa nga vharwa vha Aroni fhedzi.+ Ndi mukovhe wavho wa tshoṱhe kha mirafho yaṋu u bvaho kha zwifhiwa zwi fhiselwaho Yehova.+ Tshiṅwe na tshiṅwe tshine tsha zwi kwama* tshi ḓo vha tshikhethwa.’”
19 Yehova a dovha a amba na Mushe a ri:
20 “Hetshi ndi tshifhiwa tshine Aroni na vharwa vhawe vha ḓo tshi ḓisela Yehova ḓuvha ḽine vha ḓo ḓodzwa ngaḽo:+ tshipiḓa tshithihi kha zwa fumi tsha tshikalo tsha efa*+ tsha fuḽauru tsekene sa tshifhiwa tsha thoro+ tsha misi yoṱhe, hafu yatsho nga matsheloni, iṅwe hafu yatsho nga madekwana.
21 I bakwe nga mapfura kha pani.+ U i ḓise yo ṱanganyiswa zwavhuḓi na mapfura, u i ṋekedze sa yo bakwaho i tshi bva kha tshifhiwa tsha thoro ine ya ṋekedzwa nga tshipiḓa nga tshipiḓa uri zwi nukhelele kha Yehova.
22 Tshifhe o ḓodzwaho ane a mu tevhela a bvaho kha vharwa+ vhawe u ḓo i baka. Ndi mulayo wa lini na lini: I ḓo dubiselwa Yehova sa tshifhiwa tsho fhelelaho.
23 Tshifhiwa tshiṅwe na tshiṅwe tsha thoro tsha tshifhe tshi fanela u vha tshifhiwa tsho fhelelaho. A tsho ngo tea u ḽiwa.”
24 Yehova a dovha a amba na Mushe a ri:
25 “Vhudza Aroni na vharwa vhawe uri: ‘Hoyu ndi mulayo wa tshifhiwa tsha u pfumelela tshivhi:+ Fhethu hune ha dzulela u ṱhavhiwa+ tshifhiwa tsha u fhiswa hu fanela u dovha ha ṱhavhiwa na tshifhiwa tsha u pfumelela tshivhi phanḓa ha Yehova. Ndi tshikhethwa-khethwa.
26 Tshi ḽiwe nga tshifhe we a tshi ṋekedza sa tshifhiwa tsha u pfumelela tshivhi.+ Tshi ḽelwe fhethu hukhethwa, muṱani wa dennde ḽa muṱangano.+
27 “‘Tshine tsha kwama ṋama yatsho tshi ḓo vha tshikhethwa, ane a hashwa nga malofha atsho kha tshiambaro tshawe, a kuvhe zwe zwa hashwa nga malofha fhethu hukhethwa.
28 Khali ye ya tshi vholomisa i fanela u kwashiwa. Fhedzi arali tsho vholomiswa nga mudzio wa koporo, wonoyo mudzio u fanela u fhaliwa, wa ṱanzwiwa nga maḓi.
29 “‘Vhanna vhoṱhe vha shumaho sa vhotshifhe vha fanela u tshi ḽa.+ Ndi tshikhethwa-khethwa.+
30 Naho zwo ralo, a hu na tshifhiwa tsha u pfumelela tshivhi tshine tsha ḓo ḽiwa arali maṅwe a malofha atsho o ḓiswa denndeni ḽa muṱangano u itela tshipfumelelo fhethu hukhethwa.+ Tshi fanela u fhiswa nga mulilo.
Ṱhaluso dzi re magumoni a siaṱari
^ Kana “miḽora i re na mapfura,” zwine zwa vha miḽora yo lovhewaho kha mapfura a zwiṱhavhelo.
^ Kana “kwama zwifhiwa.”
^ Tshipiḓa tshithihi kha zwa fumi tsha efa tshi lingana na ḽithara dza 2,2. Sedzani Ṱhume. B14.
