Luimbo Lwa Salomo 1:1-17
-
Luimbo-imbo (1)
-
Musidzana wa Mushulamaithi (2-7)
-
Vhananyana vha Yerusalema (8)
-
Khosi (9-11)
-
“Ri ḓo u itela madzanga a musuku” (11)
-
-
Musidzana wa Mushulamaithi (12-14)
-
“Mufunwa wanga u nga zwiḓolo zwa mira i nukhelelaho” (13)
-
-
Mulisa (15)
-
“Mufunwa wanga, wo naka”
-
-
Musidzana wa Mushulamaithi (16, 17)
-
“Wo naka mufunwa wanga” (16)
-
1 Luimbo-imbo* lwa Salomo:+
2 “Ngavhe a tshi nkhisa nga mulomo wawe,
Ngauri lufuno lwau lu khwine u fhira waini.+
3 Mapfura au a a nukhelela.+
Dzina ḽau ḽi nga mapfura a nukhelelaho o shululwaho.+
Ndi ngazwo vhasidzana vha tshi u funa.
4 Ṱuwa na nṋe;* kha ri gidime.
Khosi yo nnyisa pfamoni dzayo!
Kha ri takale, ri pembele.
Kha ri khoḓe lufuno lwau u fhira waini.
Zwo tea uri vha* u fune.
5 Inwi vhananyana vha Yerusalema, nṋe ndo swifhala* fhedzi ndo naka,
Ndi nga madennde a Kedara+ na malabi+ a dennde ḽa Salomo.
6 Ni songo nndavhelesa nga u vhona ndo swifhala,
Ndi ngauri ndo fhiswa nga ḓuvha.
Vhana vha mme anga vho vha vho ntsinyutshela;
Vho nnyita mulindi wa masimu a minḓirivhe,
Ngeno tsimu yanga ya minḓirivhe ndo vha ndi sa i lindi.
7 Iwe ane nda u funesa, mmbudze,
Hune sambi ḽau ḽa fula hone,+
Na hune wa ḽi ladza hone nga masiari.
Ndi ngani ndi tshi fanela u nga mufumakadzi o ḓipombaho nga labi
Vhukati ha masambi a khonani dzau?”
8 “Iwe wo nakaho u fhira vhafumakadzi vhoṱhe, arali u sa hu ḓivhi,
Tevhela he masambi a kanda hone
U fulise zwibudzana zwau tsini na madennde a vhalisa.”
9 “Iwe mufunwa wanga, ndi u fanyisa na bere ya gariki dza Farao.+
10 Marama au o nakiswa nga madzanga a re khao,*
Mutsinga wau wo nakiswa nga malungu.
11 Ri ḓo u itela madzanga a musuku
O nambatedzwaho siḽiva.”
12 “Musi khosi yo dzula ṱafulani yayo,
Zwiḓolo+ zwanga zwi bvisa munukhelelo wazwo.
13 Mufunwa wanga u nga zwiḓolo zwa mira i nukhelelaho+
Vhusiku u eḓela kha khana yanga.
14 Kha nṋe mufunwa wanga u nga tshiṱaka tsha henna+
Vhukati ha masimu a minḓirivhe a ngei Engedi.”+
15 “Mufunwa wanga, wo naka.
Wo naka. Maṱo au a nga a maivha.”+
16 “Wo naka mufunwa wanga, u a ntakadza.+
Mahatsi madala ndi mmbete washu.
17 Matanda a nnḓu yashu* ndi miṱaululo,
Matanda a ṱhanga yashu ndi miri ya midzhunipa.
Ṱhaluso dzi re magumoni a siaṱari
^ Kana “Luimbo lwavhuḓi vhukuma.”
^ Thevhedz., “Nkokodze.”
^ Ndi vhasidzana.
^ Thevhedz., “ndi mutswu.”
^ Kana khamusi, “musi e vhukati ha mavhudzi o lukwaho.”
^ Kana “nnḓu yashu yavhuḓi.”
