Luimbo Lwa Salomo 2:1-17
2 “Nṋe ndi luvha ḽa safuroni ḽi re govhani ḽa phendelashango,
Luvha ḽa volenga* ḽa magovhani.”+
2 “Mufunwa wanga e vhukati ha vhananyana
U nga luvha ḽa volenga* ḽi mipfani.”
3 “Mufunwa wanga e vhukati ha vhatuka
U nga muapula u vhukati ha miri ya ḓaka.
Ndi tama u dzula murunzini wawe,
Ndi ḓifhelwa nga mitshelo yawe.
4 O nnyisa nḓuni i re na tshimima,*
Vhoṱhe vho vha tshi zwi vhona uri u a mpfuna.
5 Nṋee nḓirivhe na maapula;+
Uri ndi homolowe na u wana nungo,
Ngauri ndi khou lwala nga lufuno.
6 Tshanḓa tshawe tsha monde tsho ntika ṱhoho,
O nkuvhatedza nga tshanḓa tshawe tsha u ḽa.+
7 Inwi vhananyana vha Yerusalema, ndi a ni anisa,
Nga phala+ na ntsa dza ḓaka ndi ri:
Ni songo karusa kana u vusa lufuno kha nṋe u swika lu tshi vuwa nga lwoṱhe.+
8 Ndi khou pfa ipfi ḽa mufunwa wanga!
Khoyu u khou ḓa,
U khou gonya dzithavha, a tshi fhufha na zwikwara.
9 Mufunwa wanga u nga phala, u nga ṋamana ya tholo.+
Khouḽa o ima murahu ha luvhondo lwashu,
O ṱodzimela nga mafasiṱere,
O lavhelesa nga buli.
10 Mufunwa wanga o amba na nṋe a ri:
‘Mufunwa wanga, takuwa,
Iwe nyalunako wanga, iḓa ri ṱuwe.
11 Vhuria* ho fhela.
A hu tshee na mvula.
12 Maluvha o mela shangoni,+
Tshifhinga tsha u khwathela tsho swika,+
Hu pfala luimbo lwa ḽiivha-muronzhe shangoni ḽa hashu.+
13 Muhuyu wo no thoma u vhibvisa mahuyu awo a u thoma;+
Minḓirivhe i vho bva* maluvha, hu pfala munukhelelo wao.
Takuwa u ḓe iwe mufunwa wanga.
Iwe nyalunako wanga, iḓa ri ṱuwe.
14 Iwe ḽiivha ḽanga, ḽo khudaho tomboni ḽihulu,+
Ḽo dzumbamaho luwani,
Ntendele ndi u vhone na u pfa ipfi ḽau,+
Ngauri ipfi ḽau ndi ḽavhuḓi, wo naka.’”+
15 “Ri fareleni phunguwe,
Phunguwe ṱhukhu* dzine dza tshinyadza masimu a minḓirivhe,
Ngauri masimu ashu a minḓirivhe o bva* maluvha.”
16 “Mufunwa wanga ndi wanga na nṋe ndi wawe.+
U khou lisa+ maluvhani a mavolenga.*+
17 Musi hu tshi vho vhudzula lumuya, hu si tshee na murunzi,
U vhuye nga u ṱavhanya, iwe mufunwa wanga,
U nga phala+ kana ṋamana ya tholo+ i pharani dza thavha.
Ṱhaluso dzi re magumoni a siaṱari
^ Kana “ḽiḽi.”
^ Kana “ḽiḽi.”
^ Thevhedz., “nḓuni ya waini.”
^ Kana “Khalaṅwaha ya mvula.”
^ Kana “fhufhumisa.”
^ Kana “Vhana vha phunguwe.”
^ Kana “fhufhumisa.”
^ Kana “ḽiḽi.”
