Luimbo Lwa Salomo 6:1-13
6 “Mufunwa wau o ya ngafhi,
Iwe wo nakaho u fhira vhafumakadzi vhoṱhe?
Mufunwa wau o ṱutshela thungo ifhio?
Kha ri ṱuwe ri ye u mu ṱoḓa.”
2 “Mufunwa wanga o tsela tsimuni yawe,
O tsela zwirabani zwa zwilungi,*
U itela u lisa masimuni
Na u ka maluvha a mavolenga.*+
3 Mufunwa wanga ndi wanga,
Na nṋe ndi wawe.+
U khou lisa maluvhani a mavolenga.”*+
4 “Mufunwa wanga,+ wo naka u fana na Thiritsa,*+
Wo naka u fana na Yerusalema,+
U wavhuḓi u nga mmbi dzo ima tsini na zwiga zwadzo.+
5 Maṱo au a songo ntsedza,+
Ngauri a a nḓaḓisa.
Mavhudzi au a nga sambi ḽa mbudzi
Ḽi tsaho thavhani dza Giḽiada.+
6 Maṋo au a nga sambi ḽa nngu
Dzi tshi bva u ṱanzwiwa,
Dzoṱhe dzo dzwala mafhaṱa,*
A hu na na nthihi ye ya fholodza.*
7 Marama* au naho o tsirwa nga labi ḽau
A nga zwipiḓa zwa phomagraneithi.
8 Khosi i nga vha i na vhafumakadzi vha 60
Na vhafumakadzi vha vhuimo ha fhasi* vha 80
Na vhasidzana vha sa vhalei.+
9 Fhedzi ane a vha ḽiivha ḽanga ndi muthihi,+ muthu wanga a sa solisei.
Ndi ene e eṱhe kha mme awe.
Ndi ene ane a funeswa nga mme awe.
Vhananyana vha tshi mu vhona vha a mu khoḓa;
Vhafumakadzi vha khosi na vhafumakadzi vha vhuimo ha fhasi* vha a mu khoḓa.
10 ‘Ndi nnyi ane a penya u nga ḓuvha ḽi tshi bva
O nakaho u nga ṅwedzi wo tshena,
O kunaho u nga ḓuvha,
Wavhuḓi u nga mmbi dzo ima tsini na zwiga zwadzo?’”+
11 “Ndo ya tsimuni ya miri ya mitebvu+
Uri ndi vhone i tshi simuwa govhani,*
U itela u vhona arali munḓirivhe wo simuwa,
Arali miri ya miphomagraneithi yo bva* maluvha.
12 Musi ndi sa athu u zwi ṱhogomela,
Lutamo lwanga lwo vha lwo no ndzhenisa
Kha gariki dza vharangaphanḓa.”
13 “Vhuya iwe Mushulamaithi, vhuya!
Vhuya, vhuya,
Uri ri u vhone!”
“Ndi ngani u tshi lavhelesa Mushulamaithi?”+
“Zwa tou nga u khou vhona zwigwada zwivhili zwine zwa khou tshina!”
Ṱhaluso dzi re magumoni a siaṱari
^ Kana “zwipaisisi.”
^ Kana “ḽiḽi.”
^ Kana “ḽiḽi.”
^ Kana “Muḓi Wavhuḓi.”
^ Kana “malwelavanḓa.”
^ Kana “felwa.”
^ Kana “Khumba-khumbane.”
^ Sedzani Mutevhe Wa Ṱhalutshedzo Ya Maipfi.
^ Sedzani Mutevhe Wa Ṱhalutshedzo Ya Maipfi.
^ Kana “muedzini.”
^ Kana “fhufhumisa.”
