Evangeli Ya Luka 3:1-38
3 Nga ṅwaha wa vhu 15 hu tshi khou vhusa Kesare Tiberio, Pontio Pilato o vha e muvhusi wa Yudea, Herode*+ e muvhusi wa tshiṱiriki tsha Galilea, Filipo mukomana wawe e muvhusi wa tshiṱiriki tsha Iturea na tsha Traxoniti, Lisania e muvhusi wa tshiṱiriki tsha Abilene,
2 nga tshenetsho tshifhinga Mudzimu o amba na Yohane+ murwa wa Sakaria e sogani,+ musi Anasi na Kayafa+ vhe vhahulwane vha vhotshifhe.
3 O ya mashangoni oṱhe u mona na Yorodane, a tshi huwelela uri vhathu vha lovhedzwe u itela u sumbedza uri vho rembuluwa, vha kone u hangwelwa zwivhi,+
4 samusi zwo ṅwaliwa buguni ya muporofita Yesaya musi a tshi ri: “Hu na muthu ane a khou vhidzelela e sogani, u ri: ‘Lugisani nḓila ya Yehova,* kunakisani nḓila dzawe.+
5 Magovha oṱhe nga a ḓadzwe, thavha dzoṱhe na zwikwara zwi itwe mudavhi na nḓila dzoṱhe dzo kombamaho dzi kombamululwe, nḓila dzi re na matombo nga dzi khuriwe,
6 vhathu vhoṱhe vha ḓo vhona nḓila ine Mudzimu a ḓo vha tshidza ngayo.’”+
7 A amba na gogo ḽe ḽa vha ḽi tshi khou ḓa khae uri ḽi lovhedzwe, a ri: “Inwi vhana vha mavuluvulu, ndi nnyi o ni vhudzaho uri ni ḓo ponyoka khaṱhulo yo ni lindelaho?+
8 Aṋwani mitshelo i sumbedzaho uri no rembuluwa. Ni songo amba uri, ‘Khotsi ashu ndi Abrahamu.’ Ngauri ndi a ni vhudza uri, Mudzimu u a kona u itela Abrahamu vhana nga haya matombo.
9 Mbaḓo yo no vhewa tsindeni ḽa muri. Miri yoṱhe i sa aṋwiho mitshelo yavhuḓi i ḓo remiwa ya poswa muliloni.”+
10 Gogo ḽo vha ḽi tshi khou mu vhudzisa ḽi tshi ri: “Zwino ri ite mini?”
11 A vha fhindula a ri: “A re na zwiambaro zwivhili kha kovhele a si na, na a re na zwiḽiwa a ite zwi fanaho.”+
12 Na vhathelisi vha ḓa vha lovhedzwa,+ vha amba nae vha ri: “Mufunzi, ri ite mini?”
13 Ene a ri: “Ni songo ṱoḓa muthelo une wa fhira we na tendelwa wone nga mulayo.”+
14 Na maswole a mu vhudzisa a ri: “Ri ite mini?” Ene a ri: “Ni songo dzhiela muthu tshelede kana u pomoka muthu mazwifhi,+ fusheani nga zwine na zwi wana.”*
15 Vhathu vho vha vho lindela Kristo, vhoṱhe vha tshi khou ḓivhudzisa arali Yohane e ene Kristo.+
16 Yohane a fhindula a ri: “Nṋe ndi khou ni lovhedza maḓini, fhedzi ane a khou ḓa murahu hanga u na maanḓa u mphira, a thi fanelei u vhofholola thambo dza thovho* dzawe.+ Onoyo u ḓo ni lovhedza nga muya mukhethwa na nga mulilo.+
17 O fara tsha u fhefhera uri a kunakise hune ha fhefherelwa hone na uri a kuvhanganyele goroi ḓuluni ḽawe, fhedzi mungu u ḓo u fhisa nga mulilo u sa dzimi.”
18 Yohane o dovha a ṱuṱuwedza vhathu nga nḓila dzo fhambanaho na u dzula a tshi huwelela mafhungo maḓifha khavho.
19 Nge Yohane a kaidza Herode muvhusi wa tshiṱiriki nga nṱhani ha mishumo mivhi yoṱhe ye a i ita na nga ha Herodia mufumakadzi wa mukomana wawe,
20 Herode a tou zwi ṋaṋisa nga u valela Yohane dzhele.+
21 Musi vhathu vhoṱhe vha tshi khou lovhedzwa, na Yesu a lovhedzwa.+ A tshi khou rabela, ḽiṱaḓulu ḽa vulea,+
22 muya mukhethwa wa tsela khae u tshi nga ḽiivha, ha pfala na ipfi ḽi bvaho ṱaḓulu ḽi tshi ri: “U Murwa wanga, ane nda mu funa; ndi a u takalela.”+
23 Musi Yesu+ a tshi thoma u funza o vha e na miṅwaha i ṱoḓaho u vha 30,+ vhaṅwe vho vha vha tshi ri ndimurwa wa Yosefa,+murwa wa Heli,
24 murwa wa Mathathe,murwa wa Levi,murwa wa Melki,murwa wa Yanna,murwa wa Yosefa,
25 murwa wa Mathathi,murwa wa Amosi,murwa wa Nahumi,murwa wa Esli,murwa wa Nangai,
26 murwa wa Maathi,murwa wa Mathathi,murwa wa Simei,murwa wa Yoseke,murwa wa Yoda,
27 murwa wa Yoanani,murwa wa Resa,murwa wa Serubabele,+murwa wa Shelathiele,+murwa wa Neri,
28 murwa wa Melki,murwa wa Adi,murwa wa Kosama,murwa wa Elmadama,murwa wa Ere,
29 murwa wa Yesu,murwa wa Eliesere,murwa wa Yorima,murwa wa Mathathe,murwa wa Levi,
30 murwa wa Simioni,murwa wa Yudasi,murwa wa Yosefa,murwa wa Yonamu,murwa wa Eliakima,
31 murwa wa Melea,murwa wa Mainane,murwa wa Mathathane,murwa wa Nathani,+murwa wa Davida,+
32 murwa wa Isai,+murwa wa Obede,+murwa wa Boasi,+murwa wa Salimoni,+murwa wa Nahashoni,+
33 murwa wa Aminadaba,murwa wa Arini,murwa wa Hetsironi,murwa wa Perese,+murwa wa Yuda,+
34 murwa wa Yakobo,+murwa wa Isaka,+murwa wa Abrahamu,+murwa wa Thera,+murwa wa Nahoro,+
35 murwa wa Seruga,+murwa wa Reu,+murwa wa Phelege,+murwa wa Ebere,+murwa wa Shela,+
36 murwa wa Kainani,murwa wa Arapahashada,+murwa wa Semu,+murwa wa Noaxe,+murwa wa Lamexe,+
37 murwa wa Methusala,+murwa wa Henoxe,murwa wa Yarede,+murwa wa Mahalaliele,+murwa wa Kainani,+
38 murwa wa Enosi,+murwa wa Sethe,+murwa wa Adamu,+murwa wa Mudzimu.
Ṱhaluso dzi re magumoni a siaṱari
^ Ndi Herode Antipa. Sedzani Mutevhe Wa Ṱhalutshedzo Ya Maipfi.
^ Kana “nga muholo waṋu.”
^ Kana “phashane, navhula.”
