Evangeli Ya Mateo 1:1-25
1 Heyi ndi bugu ya ḓivhazwakale* ya Yesu Kristo,* murwa wa Davida,+ murwa wa Abrahamu:+
2 Abrahamu o beba Isaka;+Isaka a beba Yakobo;+Yakobo a beba Yuda+ na vhaṅwe vharwa;
3 Yuda na Thamara vha beba Perese na Zera;+Perese a beba Hetsironi;+Hetsironi a beba Ramu;+
4 Ramu a beba Aminadaba;Aminadaba a beba Nahashoni;+Nahashoni a beba Salimoni;
5 Salimoni na Rahaba+ vha beba Boasi;Boasi na Ruṱe+ vha beba Obede;Obede a beba Isai;+
6 Isai a beba Khosi Davida.+
Davida na mufumakadzi wa Uria vha beba Salomo;+
7 Salomo a beba Rehabeamu;+Rehabeamu a beba Abia;Abia a beba Asa;+
8 Asa a beba Yehoshafati;+Yehoshafati a beba Yehoramu;+Yehoramu a beba Usia;
9 Usia a beba Yothamu;+Yothamu a beba Ahasi;+Ahasi a beba Hiskia;+
10 Hiskia a beba Manase;+Manase a beba Amoni;+Amoni a beba Yosia;+
11 Yosia+ a beba Yekonya+ na vhaṅwe vharwa nga tshifhinga tsha musi Vhayuda vha tshi khou iswa vhuthubwani Babele.+
12 Musi vho no vhuya vhuthubwani Babele, Yekonya a beba Shelathiele;Shelathiele a beba Serubabele;+
13 Serubabele a beba Abiudu;Abiudu a beba Eliakima;Eliakima a beba Asoro;
14 Asoro a beba Tsadoko;Tsadoko a beba Axima;Axima a beba Eliudu;
15 Eliudu a beba Eliasara;Eliasara a beba Mathani;Mathani a beba Yakobo;
16 Yakobo a beba Yosefa munna wa Maria, we a beba Yesu+ ane a pfi Kristo.+
17 Mirafho yoṱhe u bva kha Abrahamu u swika kha Davida yo vha i 14; u bva kha Davida u swika vha tshi iswa vhuthubwani ngei Babele ndi mirafho ya 14; u bva vha tshi iswa vhuthubwani Babele u swika kha Kristo ndi mirafho ya 14.
18 Mafhungo a u bebwa ha Yesu Kristo ngea: Musi Maria mme a Yesu o fhulufhedziswa u vhingwa nga Yosefa, a vhifha muvhilini nga muya mukhethwa+ vha sa athu u vhingana.
19 Ngauri Yosefa o vha o luga a sa ṱoḓi u mu seisa nga vhathu, a humbula u mu ṱala tshiphirini.+
20 Musi o no humbula nga hazwo, a vhona muruṅwa wa Yehova* muḽoroni, a tshi ri: “Yosefa murwa wa Davida, u songo ofha u isa Maria mufumakadzi wau hayani, ngauri o vhifha muvhilini nga muya mukhethwa.+
21 Maria u ḓo beba murwa, ane wa ḓo mu vhidza Yesu,*+ ngauri u ḓo tshidza vhathu zwivhini zwavho.”+
22 Zwoṱhe zwo itea uri hu itee zwe zwa ambiwa nga Yehova* a tshi shumisa muporofita wawe, we a ri:
23 “Musidzana* u ḓo vhifha muvhilini a beba murwa, ane vha ḓo mu ira dzina ḽa Imanuele,”+ zwine zwa amba uri, “Mudzimu U Na Riṋe.”+
24 Yosefa a vuwa a ita zwe muruṅwa wa Yehova* a mu vhudza zwone, a isa mufumakadzi wawe hayani.
25 Fhedzi ho ngo ita zwa vhudzekani nae u swika a tshi beba murwa,+ a ri u pfi Yesu.+
Ṱhaluso dzi re magumoni a siaṱari
^ Kana “Messia; Muḓodzwa.”
^ Kana “vhubvo.”
^ Kha Maṅwalo a Tshikriste a Tshigerika, dzina Yehova ḽi wanala lwa 237 nahone ḽi thoma u bvelela henefha. Sedzani Ṱhume. A5.
^ Ḽi fana na dzina ḽa Tshihevheru Yeshua kana Yoshua, ḽine ḽa amba uri “Yehova Ndi Mutshidzi.”
^ Sedzani Mutevhe Wa Ṱhalutshedzo Ya Maipfi.
