Mika 2:1-13
2 “Khombo i ḓo ḓela vhane vha luka maano mavhi,Vhane vha humbula u ita vhuvhi vhe mimbeteni yavho!
Vha vhu ita musi ḽi tshi tsha,Ngauri vha a kona u vhu ita.+
2 Vha dzhia masimu ane vha a ṱoḓa;+Vha dzhia nnḓu dzine vha dzi takalela;Vha fhura muthu nnḓu yawe,+Na u mu fhura ifa ḽawe.
3 Yehova u ri:
‘Ndi khou ni ḓisela khombo+ ine na sa ḓo ponyoka* khayo.+
A ni tsha ḓo tshimbila ni tshi ḓikukumusa,+ ngauri ndi tshifhinga tsha maṱungu.+
4 Nga tshenetsho tshifhinga, vhathu vha ḓo vha vha tshi ni amba,Vha ḓo lila nga nṱhani ha vhuimo haṋu.+
Vha ḓo ri: “Ro fhela!+
Mudzimu o ṋea vhaṅwe vhathu ifa ḽashu, a ri tshee na ifa!+
Shango ḽashu ḽo ṋewa lushaka lu sa fhulufhedzei.”
5 Ni ḓo vha ni si tshee na ane a kokodza thambo ya u kala,Uri hu kovhekanywe shango tshivhidzoni tsha Yehova.
6 Vha amba vha ri, “Litshani u huwelela!
Vha songo huwelela nga ha zwenezwi zwithu;A ri nga ḓo shoniswa!”
7 Inwi vha nnḓu ya Yakobo, naa ni khou amba uri:
“Yehova u khou fhela mbilu?*
Yeneyi ndi mishumo yawe?”
Naa zwine nda zwi amba a zwi vhuyedzi vhane vha tshimbila nga yo lugaho?
8 Ano maḓuvha vhathu vhanga vho no vha maswina anga.
Ni dzhiela madzangaVhane vha pfuka vha tshi ḓifhulufhela sa vhane vha bva nndwani.
9 Ni pandela vhafumakadzi vha vhathu vhanga nḓuni dzavho dzine vha dzi takalela;Ni dzhiela vhana vhavho zwithu zwavhuḓi zwe nda vha fhaṱutshedza ngazwo.
10 Takuwani ni ṱuwe, hafha a si fhethu ha u awela.
Ngauri hu ḓo tshinyadzwa lu vhavhaho+ nga nṱhani ha uri hu na mashika.+
11 Arali munna a pandamedza muya na vhufhura, a zwifha a ri:
“Ndi ḓo huwelela nga ha waini na nga ha halwa,”U ḓo sokou vha muhuweleli ane a amba u itela u takadza havha vhathu!+
12 Inwi Yakobo, ndi ḓo ni kuvhanganya noṱhe;Ndi ḓo kuvhanganya Vhaisiraele vhoṱhe vho salaho.+
Ndi ḓo ita uri vha vhe na vhuthihi u fana na nngu dzi re dangani,U fana na sambi ḽi mafuloni aḽo;+Hu ḓo vha na phosho henefho.’+
13 Ane a phula buli u ḓo bva phanḓa havho;Vha ḓo ita uri ḽi engedzee, vha ḓo pfuka nga khoroni vha bva ngayo.+
Khosi i ḓo pfuka phanḓa havho,Yehova o vha ranga phanḓa.”+
Ṱhaluso dzi re magumoni a siaṱari
^ Thevhedz., “bvisa mitsinga yaṋu.”
^ Kana “Naa muya wa Yehova u khou fhela mbilu?”
