Mika 3:1-12
3 Nda ri: “Ipfani, inwi vharangaphanḓa vha nnḓu ya YakoboNa inwi vhalangammbi vha nnḓu ya Isiraele.+
Naa a no ngo fanela u ḓivha zwo teaho?
2 Fhedzi ni vhenga zwivhuya+ na funa zwivhi;+Ni sutula lukanda lwa vhathu vhanga na ṋama dzavho.+
3 Ni ḽa na ṋama ya vhathu vhanga+Na u sutula lukanda lwavho,Na u vunḓa marambo avho na a kwashekanya,+U fana na zwine zwa bikiwa bodoni, u fana na ṋama ine ya bikiwa bodoni.
4 Nga tshenetsho tshifhinga, vha ḓo vhidzelela Yehova vha tshi ṱoḓa thuso,Fhedzi ha nga vha fhinduli.
Nga tshenetsho tshifhinga, u ḓo vha dzumbela tshifhaṱuwo tshawe,+Nga nṱhani ha mishumo yavho mivhi.+
5 Vhaporofita vha khou xedza vhathu vhanga,+ musi vha tshi khou ṱafuna+ vha a huwelela vha ri ‘Mulalo!’+
Musi muthu a sa vha ṋei zwa u ḽa, vha a lwa nae.
Ndi ngazwo Yehova o amba na vhenevho vhaporofita a ri:
6 ‘Ni ḓo vha swiswini zwa nga ndi vhusiku;+ a ni nga vhoni mabono;+Ni ḓo vhona swiswi fhedzi, a ni nga bvumbi.
Vhaporofita vha ḓo kovhelelwa nga ḓuvha,Vha ḓo swifhalelwa nga ḓuvha.+
7 Vhavhoni vha ḓo shoniswa,+Mingome i ḓo shona.
Vhoṱhe vha thivha milomo yavho,Ngauri a hu na phindulo i bvaho ha Mudzimu.’”
8 Muya wa Yehova wo nṋea maanḓa,Uri ndi haṱule nga nḓila yo teaho na u vha na tshivhindi,Uri ndi vhudze Yakobo nga ha vhushandukwa hawe na u vhudza Isiraele nga ha tshivhi tshawe.
9 Ipfani hezwi inwi vharangaphanḓa vha nnḓu ya YakoboNa inwi vhalangammbi vha nnḓu ya Isiraele,+Vhane vha vhenga khaṱhulo yo teaho na vhane vha kombamisa zwo lugaho,+
10 Vhane vha fhaṱa Tsioni nga u shulula malofha na Yerusalema nga vhuvhi.+
11 Vharangaphanḓa vhawo vha haṱula uri vha wane tshanḓanguvhoni,+Vhotshifhe vhawo vha funza uri vha badeliwe,+Vhaporofita vhawo vha ita zwa u bvumba uri vha wane tshelede.*+
Fhedzi vha ḓitika nga Yehova,* vha ri:
“Naa Yehova ha na riṋe?+
A hu na khombo ine ya ḓo ri wela.”+
12 Nga nṱhani haṋu,Tsioni u ḓo limiwa sa tsimu,Yerusalema u ḓo vha shubi,+Thavha ya Nnḓu i ḓo nga zwikwara zwi re ḓakani.+