Mika 4:1-13
4 Maḓuvhani a vhufhelo,Thavha ine nnḓu ya Yehova ya vha khayo+I ḓo vhewa hune ya fhira dziṅwe thavha,Ya lapfa u fhira zwikwara zwoṱhe,Tshaka dzi ḓo ya khayo.+
2 Tshaka nnzhi dzi ḓo ya hone dza ri:
“Iḓani ri gonye thavhani ya YehovaRi ye nḓuni ya Mudzimu wa Yakobo.+
U ḓo ri funza nḓila dzawe,Ri ḓo tshimbila nḓilani dzawe.”
Ngauri mulayo* u ḓo bva Tsioni,Yehova u ḓo amba e Yerusalema.
3 U ḓo haṱula vhathu vhanzhi+A lugisa zwithu zwinzhi uri tshaka dza maanḓa dzi vhuyelwe.
Mabanga avho vha ḓo ita madzembe ngao,Mapfumo avho vha ḓo ita makhavha ngao.+
Lushaka a lu tsha ḓo lwa na luṅwe lushaka,A vha tsha ḓo dovha vha guda u lwa.+
4 Vhoṱhe vha ḓo dzula fhasi ha minḓirivhe na mihuyu yavho,+A hu na ane a ḓo vha tshuwisa,+Ngauri ho amba Yehova wa mavhuthu.
5 Ngauri tshaka dzoṱhe dzi ḓo thetshelesa mudzimu wadzo,Fhedzi riṋe ri ḓo thetshelesa Yehova Mudzimu+ washu lini na lini.
6 “Nga ḽeneḽo ḓuvha,” u ralo Yehova,“Ndi ḓo kuvhanganya ane a ṱudza,Nda kuvhanganya o balanganywaho,+Khathihi na vhe nda vha vhaisa.
7 Ane a ṱudza ndi ḓo mu tshidza,+A re kule ndi ḓo mu ita lushaka lwa maanḓa;+Yehova u ḓo vha khosi yavho Thavhani ya Tsioni,U bva zwino u ya nga hu sa fheli.
8 Iwe mutsheṱo une wa tsireledza sambi,Tshikwara tsha ṅwananyana wa Tsioni,+Muvhuso wa u ranga u ḓo ḓa kha iwe,+Muvhuso une wa vha wa ṅwananyana wa Yerusalema.+
9 Ndi ngani u tshi khou ṱavha mukosi?
Naa a u na khosi,Kana mueletshedzi wau o lovha,Lune u khou pfa vhuṱungu vhu fanaho na ha mufumakadzi a tshi khou beba?+
10 Iwe ṅwananyana wa Tsioni, vhumbuluwa u gomele,Sa mufumakadzi a tshi beba,Ngauri zwino u ḓo bva muḓini wa ya wa dzula tsimuni.
Wa swika na ngei Babele,+Wa tshidzwa u henengei;+Yehova u ḓo u rengulula zwanḓani zwa maswina au u henefho.+
11 Tshaka nnzhi dzi ḓo kuvhanganywa uri dzi lwe na iwe;Dzi ḓo ri, ‘Kha u tshikafhadzwe,Ri vhone zwine zwa ḓo itea Tsioni.’
12 Fhedzi a vha ḓivhi zwine Yehova a zwi humbula,A vha pfesesi zwine a ḓo zwi ita;Ngauri u ḓo vha kuvhanganya u fana na musi hu tshi kuvhanganywa thoro hune ha fhefherelwa hone.
13 Iwe ṅwananyana wa Tsioni, takuwa u fhefhere;+Ngauri ndi ḓo shandula maṋanga au a vha tsimbi,Nda shandula khwanḓa dzau dza vha koporo,Wa kwashekanya tshaka nnzhi.+
Zwe dzenedzo tshaka dza zwi wana nga vhufhura u ḓo zwi ṋea Yehova,Thundu dzadzo u ḓo dzi ṋea Murena wa ngoho wa ḽifhasi ḽoṱhe.”+
Ṱhaluso dzi re magumoni a siaṱari
^ Kana “ndayo.”
