Mika 7:1-20
7 Ndo welwa nga khombo!
Ndi nga muthu a re na nḓalaLune musi ho no fuliwa mitshelo ya tshilimo na nḓirivheA si wane na tshiṱokola zwatsho tsha u ḽaKana mahuyu ane a a tama.
2 A hu tshee na muthu a fhulufhedzeaho kha ḽifhasi;A hu na muthu o lugaho.+
Vhoṱhe vha a lalela u itela u shulula malofha.+
Vha fana na vhazwimi vhane vha rea zwikwekwe* u itela u fasha vhahavho.
3 Zwanḓa zwavho zwo lugela u ita vhuvhi;+Mukololo u kombetshedza uri a ṋewe tshifhiwa,Muhaṱuli u ṱoḓa u badeliwa,+Wa vhuimo ha nṱha u amba zwine a zwi tama,+Vha ita vhoṱhe vhukwila.
4 Wa khwine khavho u fana na mipfa,O lugesaho khavho u fhira luhura lwa mipfa.
Ḓuvha ḽe vhalindi vha amba nga haḽo na ḽa u haṱulwa haṋu ḽi ḓo swika.+
Ndi hone vha tshi ḓo ofha.+
5 Ni songo fhulufhela khonani yaṋuKana u fhulufhela khonani yaṋu ya tsini.+
Ni ṱhogomele zwine na zwi amba na ane a eḓela tsini haṋu.
6 Ngauri murwa u nyadza khotsi awe,Ṅwananyana a lwa na mme awe,+Mazwale a lwa na mazwale wawe;+Maswina a muthu ndi vha muṱa wawe.+
7 Ndi ḓo dzula ndo lavhelesa Yehova.+
Ndi ḓo lindela Mudzimu ane a vha mutshidzi wanga ndi sa fheli mbilu.+
Mudzimu wanga u ḓo mpfa.+
8 Iwe swina* ḽanga, u songo ntsea.
Naho ndo wa, ndi ḓo takuwa;Naho ndi tshi dzula swiswini, Yehova u ḓo vha tshedza tshanga.
9 Ngauri ndo khakhela Yehova,+Ndi ḓo konḓelela mbiti dzawe,U swikela a tshi nndwela na u nkhaṱhula nga nḓila yo teaho.
U ḓo mbvisela tshedzani;Nda vhona u luga hawe.
10 Na swina ḽanga ḽi ḓo vhona,Ḽa shona, nge ḽa amba uri:
“U gai Yehova Mudzimu wau?”+
Maṱo anga a ḓo lavhelesa swina ḽanga.
Ḽi ḓo kandekanywa u fana na matope nḓilani.
11 Ḽi ḓo vha ḓuvha ḽa u fhaṱa mbondo dzau dza matombo;Na mikano i ḓo engedziwa nga ḽeneḽo ḓuvha.
12 Vha ḓo ḓa kha iwe nga ḽeneḽo ḓuvhaVha tshi bva Asuri na miḓini ya Egipita,Vha tshi bva Egipita u swika Mulamboni;*U bva kha luṅwe lwanzhe u ya kha luṅwe na u bva kha iṅwe thavha u ya kha iṅwe.+
13 Shango ḽi ḓo vha shubi nga nṱhani ha vha dzulaho khaḽo,Nga nṱhani ha zwe vha zwi ita.
14 Lisa vhathu vhau nga lubaḓa lwau, sambi ḽa ifa ḽau,+Ḽe ḽa vha ḽi tshi dzula ḽi ḽoṱhe ḓakani, vhukati ha tsimu ya mitshelo.
Ḽi litshe ḽi fule Bashani na Giḽiada+ u fana na misini ya kale.
15 “Ndi ḓo vha sumbedza zwithu zwi mangadzaho,U fana na tshifhingani tsha musi ndi tshi vha bvisa shangoni ḽa Egipita.+
16 Tshaka dzi ḓo zwi vhona dza shona hu sa londwi maanḓa adzo.+
Vha ḓo vala milomo yavho;Nḓevhe dzavho dzi ḓo dzinga.
17 Vha ḓo ḽa buse u fana na ṋowa;+Vha ḓo bva vha tshi khou tetemela fhethu he vha dzumbama hone u fana na zwikokovhi.
Vha ḓo ḓa kha Yehova Mudzimu washu vho tshuwa,Vha ḓo mu ofha.”+
18 Ndi ufhio Mudzimu ane a nga iwe,Ane a hangwela vhukhakhi na u sa humbula vhutshinyi+ ha vho salaho vha ifa ḽawe?+
A nga si dzule o sinyuwa lwa tshoṱhe,Ngauri u takalela u sumbedza vhathu lufuno lu sa shanduki.+
19 U ḓo dovha wa ri khathutshela;+ u ḓo kandekanya vhukhakhi hashu.
U ḓo laṱa zwivhi zwashu dzivhani ḽa lwanzhe.+
20 U ḓo fhulufhedzea kha Yakobo,Wa sumbedza Abrahamu lufuno lu sa shanduki,Samusi wo anela vhomakhulukuku washu u bva kale.+
Ṱhaluso dzi re magumoni a siaṱari
^ Thevhedz., “mambule.”
^ Nga Tshihevheru, ipfi “swina” ḽi ambela kha mufumakadzi.
^ Ndi Yufuratha.
