Mirero 25:1-28
25 Heyi ndi mirero ya Salomo,+ ye ya ṅwalululwa* nga vhanna vha Khosi Hiskia+ wa Yuda:
2 U dzumba mafhungo zwi ṋea Mudzimu vhugala,+U ṱoḓisisa mafhungo zwi ṋea mahosi vhugala.
3 Samusi ḽiṱaḓulu ḽi nṱha na ḽifhasi ḽo tsa,Ngauralo, mbilu dza mahosi a dzi ṱalukanyei.
4 Bvisa tshika kha siḽiva,I ḓo sala yo kuna tshoṱhe.+
5 Bvisa muvhi phanḓa ha khosi,Khuluṋoni yayo i ḓo khwaṱhiswa nga zwivhuya.+
6 U songo ḓihulisa phanḓa ha khosi,+U songo dzula vhukati ha vhaḓivhalea,+
7 Ndi khwine i tshi amba na iwe ya ri: “Iḓa ngeno,”Nṱhani ha u shoniswa phanḓa ha murangaphanḓa.+
8 U songo ṱavhanya wa vhiga mulandu,U ḓo ita mini nga murahu arali muhura wau a u shonisa?+
9 Lugisa mafhungo na muhura wau,+Fhedzi u songo dzumbulula zwe wa vhudzwa tshiphirini,*+
10 Uri o thetshelesaho a si u shoniseWa yeliwa nga phungo mmbi ine wa sa ḓo kona u i fhelisa.
11 Ipfi ḽo ambiwaho nga tshifhinga tsho teahoḼi nga maapula a musuku kha zwigoḓelo zwa siḽiva.+
12 Mukaidzi wa vhuṱali kha nḓevhe i pfahoU tou nga tshiṅiṋa tsha musuku na mudzio wa musuku vhukuma.+
13 Muḓinḓa a fhulufhedzeaho kha vhe vha mu ruma,U nga u rothola ha mahaḓa nga ḓuvha ḽa khaṋo,Ngauri u homolosa muṋe wawe.+
14 Ane a zuwa uri u ḓo ṋea tshifhiwa fhedzi a si tshi ṋeeU nga makole na muya zwine zwa si ḓise mvula.+
15 Nga u sa fhela mbilu u a kunda mulangammbi,Lulimi lwo vuḓaho* lu nga vunḓa rambo.+
16 Arali wo wana mutoli, i ḽa wo eḓanaho,Ngauri arali wa u ḽesa, u ḓo ṱanza.+
17 U songo dalesa nḓuni ya muhura wau,U sa ḓo mu netisa a u vhenga.
18 Ane a pomoka muhura wawe nga vhuṱanzi ha mazwifhiU nga thonga na banga na musevhe wa vhuhali.+
19 U fhulufhela a sa fhulufhedzei zwifhingani zwa khomboZwi nga ḽiṋo ḽo vunḓeaho kana mulenzhe une wa khou suvha.
20 Ane a imba nyimbo a tshi imbela o ṱungufhalahoU nga ane a bvula tshiambaro musi hu na phephoNa viniga yo shelwa kha soda.+
21 Arali swina ḽau* ḽi na nḓala, ḽi ṋee zwiḽiwa* ḽi ḽe;Arali ḽi na ḓora, ḽi ṋee maḓi ḽi nwe,+
22 Ngauri u ḓo vha u tshi khou ḽi okela maxale* a fhisaho kha ṱhoho,+Ndi hone Yehova a tshi ḓo u lambedza.
23 Muya wa devhula u nisa mvula,Lulimi lu solaho lu ita uri muthu a sinyuwe.+
24 Ndi khwine u dzula nṱha ha ṱhangaNṱhani ha u dzula nḓuni nthihi na mufumakadzi ane a semana.*+
25 Muvhigo wavhuḓi u bvaho shangoni ḽa kuleU nga maḓi a rotholaho kha muthu o netaho.+
26 Muvhuya ane a tenda u kundwa nga muvhiU tou nga tshisima tsho dzikuswaho.
27 A si zwavhuḓi u ḽesa mutoli,+Na u ḓiṱoḓela vhugala a zwi ṋei muthu vhugala.+
28 A sa koni u ḓilanga,U nga muḓi wo kwashiwaho, u si na luvhondo.+
Ṱhaluso dzi re magumoni a siaṱari
^ Kana “kopiwa na u kuvhanganywa.”
^ Kana “zwiphiri zwa vhaṅwe.”
^ Kana “lwa vhulenda.”
^ Thevhedz., “ane a u vhenga.”
^ Thevhedz., “vhurotho.”
^ Kana “masimbe.”
^ Kana “dzindela.”
