Mirero 26:1-28
26 U hulisa tsilu a zwo ngo tea,Zwi nga mahaḓa tshilimo na mvula nga tshifhinga tsha khaṋo.+
2 Samusi tshiṋoni tshi na tshiitisi tsha u shavha na ṱhambela-maḓi i na tshiitisi tsha u fhufha,Muthu ha semiwi hu si na tshiitisi tshi pfalaho.
3 Tshimebi ndi tsha bere, maḓomu ndi a donngi,+Ṱhamu ndi ya miṱana ya matsilu.+
4 U songo fhindula tsilu u ya nga vhutsilu haḽo,Uri u sa ḓo fana naḽo.*
5 Fhindula tsilu nga zwo fanelaho vhutsilu haḽo,Uri ḽi si humbule uri ḽo ṱalifha.+
6 Ane a vhudza tsilu mafhungoU nga muthu ane a ḓitumula milenzhe, a ḓihuvhadza.
7 Murero milomoni ya matsilu,Zwi nga muholefhali a tshi ṱudza.+
8 U hulisa tsiluZwi nga u vhofhelela tombo kha gatho.+
9 Murero milomoni ya matsilu,Zwi nga mupfa tshanḓani tsha tshidakwa.
10 Ane a thola tsilu kana mufhiri wa nḓila,U nga mupfuli ane a sokou pfula.*
11 Tsilu ḽi dovholola vhutsilu haḽo,U nga mmbwa i tshi ḽa maṱanza ayo.+
12 Naa wo no vhona ane a humbula uri o ṱalifha?+
Ndi khwine u fhulufhela tsilu nṱhani ha u fhulufhela ene.
13 Mubva u ri: “Hu na ndawana nḓilani,Hu na ndau khoroni!”+
14 Mubva u vhumbuluwa mmbeteni wawe,+U nga vothi ḽi tshi vulela na u valea he ḽa kweiwa hone.
15 Mubva u dzhenisa tshanḓa tshawe tshigoḓeloni,Fhedzi u bvafha u tshi humisela mulomoni wawe.+
16 Tsilu ḽi humbula u nga ḽo ṱalifhaU fhira vhathu vha sumbe vhane vha fhindula nga vhuṱali.
17 Ane a ri a tshi khou tshimbila nḓilani a sinyuswa nga khani i sa mu kwami+U nga muthu ane a fara nḓevhe dza mmbwa.
18 U nga mpengo a tshi posa zwiṱhavhane zwi dugaho, misevhe na lufu*
19 Zwi nga muthu ane a fhura muhura wawe, a ri: “Ndo vha ndi khou tou swaswa!”+
20 Ha sa vha na khuni, mulilo u a dzima,Ha sa vha na muthu ane a tshinya vhaṅwe dzina, tsemano dzi a fhela.+
21 Ane a ṱaṱa khani u thoma nndwa,Zwi nga u shela malasha kha maxale* na u dzhenisa khuni muliloni.+
22 Zwine zwa ambiwa nga a tshinyaho vhaṅwe dzina zwi fana na matshaka-tshaka a ḓifhaho;Zwi a milwa zwa tsela thumbuni.+
23 Maipfi a lufuno a bvaho mbiluni ya muvhiA nga khali ya vumba yo ḓodziwaho siḽiva i penyaho.+
24 Ane a vhenga vhaṅwe u zwi dzumba nga zwine a zwi amba,Fhedzi mbiluni yawe u dzumba vhufhura.
25 Naho a tshi amba nga vhuthu, u songo mu fhulufhela,Ngauri hu na zwithu zwa sumbe zwi nengisaho mbiluni yawe.*
26 Naho vengo ḽo dzumbiwa nga vhufhura,Vhuvhi hawe vhu ḓo dzumbululwa tshivhidzoni.
27 Ane a bwa mulindi u ḓo wela ngomu hawo,Ane a kungulusela kule tombo, ḽi ḓo dovha ḽa kungulutshela khae.+
28 Lulimi lwa mazwifhi lu vhenga vhe lwa vha pfisa vhuṱungu,Mulomo wa u ungeledza u a tshinyadza.+
Ṱhaluso dzi re magumoni a siaṱari
^ Kana “Uri u si ḓivhee vhuimoni haḽo.”
^ Kana “ane a pfula muṅwe na muṅwe.”
^ Kana “misevhe i vhulayaho.”
^ Kana “masimbe.”
^ Kana “Ngauri mbilu yawe i a nengisa tshoṱhe.”
