Mirero 28:1-28
28 Vhavhi vha a shavha hu si na ane a khou vha pandamedza,Fhedzi vhavhuya vha na tshivhindi u fana na ndau.*+
2 Musi hu na vhutshinyi* shangoni, vhakololo vhaḽo a vha fheli,+Fhedzi nga thuso ya a re na ṱhalukanyo na nḓivho, mukololo u a fhedza tshifhinga tshilapfu.+
3 Mushai ane a fhura vhashai+U fana na mvula ine ya kumba zwiḽiwa zwoṱhe.
4 Vhane vha ṱutshela mulayo vha renda muvhi,Fhedzi vhane vha tevhedza mulayo vha a vha sinyutshela.+
5 Vhavhi a vha koni u pfesesa khaṱhulo yo teaho,Fhedzi vhane vha ṱoḓa Yehova vha a pfesesa zwoṱhe.+
6 Mushai ane a fhulufhedzea u khwineU fhira mupfumi o tshinyalaho.+
7 Ṅwana a re na ṱhalukanyo u thetshelesa mulayo,Fhedzi ane a konana na vhane vha ḽesa u nyadzisa khotsi awe.+
8 Ane a engedza lupfumo lwawe nga nzwalelo+ na nga nḓila i songo teaho,U vha a tshi khou lu kuvhanganyela ane a takalela vhashai.+
9 Ane a hana u thetshelesa mulayo,Na thabelo yawe i a nengisa.+
10 Ane a xedza vho lugaho a vha isa kha nḓila ya vhuvhi u ḓo wela dindini ḽawe,+Fhedzi a si na mulandu u ḓo wana ifa ḽa zwivhuya.+
11 Mupfumi u vhona u nga o ṱalifha,+Fhedzi mushai a re na ṱhalukanyo a nga mu vhonolola.+
12 Musi muvhuya a tshi kunda hu vha na dakalo ḽihulu,Fhedzi musi muvhi a tshi thoma u vhusa, vhathu vha a dzumbama.+
13 Ane a dzumba vhutshinyi hawe ha nga bveleli,+Fhedzi ane a vhu bula, a vhu ṱutshela u ḓo khathutshelwa.+
14 Hu takala ane a dzula a tshi ḓilinda,*Fhedzi ane a rindidza mbilu yawe u ḓo wela khomboni.+
15 Muvhusi muvhi a vhusaho vhathu vha si na nungo,U fana na ndau i vhombaho na tshivhingwi tsho halifhaho.+
16 Murangaphanḓa a si na ṱhalukanyo u shumisa luvhi maanḓa awe,+Fhedzi ane a vhenga u vhuyelwa nga vhufhura u ḓo lalama.+
17 A re na mulandu wa malofha a muṅwe u ḓo dzula a tshi khou shavha u swika a tshi fhelela vhiḓani.*+
Hu songo vha na ane a mu tikedza.
18 Ane a fhulufhedzea u ḓo tshidzwa,+Fhedzi vha nḓila dzo kombamaho vha ḓo wa nga u ṱavhanya.+
19 Ane a lima tsimu yawe u ḓo vha na zwiḽiwa zwinzhi,Fhedzi ane a tovhola zwithu zwi sa vhuyedzi tshithu u ḓo vha mushai.+
20 Ane a fhulufhedzea u ḓo wana phaṱhutshedzo nnzhi,+Fhedzi ane a ṱavhanyedza u pfuma u ḓo vha na mulandu.+
21 A si zwavhuḓi u vha na tshiṱalula;+Fhedzi muthu a nga ita zwo khakheaho a tshi itela tshipiḓa tsha vhurotho.
22 Wa tseḓa* u lwela u pfuma,A sa ḓivhi uri u ḓo ḓelwa nga vhushai.
23 Ane a kaidza muthu+ u ḓo takalelwa zwihulu,+U fhira ane a hoya nga lulimi lwawe.
24 Ane a fhura khotsi awe na mme awe a ri: “A zwo ngo khakhea,”+Ndi khonani ya ane a tshinyadza.+
25 Wa tseḓa u vusa dziphambano,Fhedzi ane a ḓitika nga Yehova u ḓo bvelela.+
26 Ane a fhulufhela mbilu yawe ndi tsilu,+Fhedzi o ṱalifhaho u ḓo ponyoka.+
27 A ṋeaho vhashai ha nga shayi tshithu,+Fhedzi ane a nga ha vha vhoni u ḓo semiwa vhukuma.
28 Musi vhavhi vha tshi vha na maanḓa, vhathu vha a dzumbama,Musi vha tshi fa, vhavhuya vha a engedzea.+
Ṱhaluso dzi re magumoni a siaṱari
^ Kana “ndawana.”
^ Kana “vhushandukwa.”
^ Kana “ane a dzula a tshi ofha.”
^ Kana “dindini.”
^ Kana “vhupangwa.”
