Mirero 31:1-31
31 Maipfi a Khosi Lemuele, mulaedza wa ndeme we mme awe a mu ṋea u itela u mu laya:+
2 Ndi u vhudze mini, iwe ṅwananga,Ndi ri mini iwe ṅwana a bvaho mbumbeloni yanga,Iwe ṅwana wa miano yanga?+
3 U songo fhedza nungo dzau kha vhafumakadzi,+Kana u tevhela nḓila dzine dza vhulaya mahosi.+
4 A si zwa mahosi, Iwe Lemuele,A si zwa mahosi u nwa wainiKana uri vhavhusi vha ri: “Halwa hanga vhu ngafhi?”+
5 Uri vha si nwe, vha hangwa mulayoVha vho tshinya ndugelo dza vhashai.
6 Ṋea vhane vha khou fa halwa+Vho tsikeledzeaho u vha ṋee waini.+
7 Vha ṋee vha nwe vha hangwe vhushai havho;Uri vha si tsha dovha vha humbula vhuṱungu havho.
8 Imelela vhane vha si kone u ḓiambela;Lwela ndugelo dza vhoṱhe vhane vha khou fa.+
9 Vha ambelele, u haṱule nga nḓila yo teaho;Lwela ndugelo dza vha si na zwavho na vhashai.+
א [Aleph]
10 Mufumakadzi vhukuma* u ḓo wanwa nga nnyi?+
Ene wa ndeme u fhira khoraḽa.*
ב [Beth]
11 Munna wawe u mu fhulufhela nga mbilu yawe yoṱhe,A hu na tshithu tsha ndeme tshine a tshi shaya.
ג [Gimel]
12 Ha mu iteli zwivhi, fhedzi u mu itela zwivhuya,Misi yoṱhe ya vhutshilo hawe.
ד [Daleth]
13 U wana wuḽu na ḽinene;U takalela mushumo wa zwanḓa zwawe.+
ה [He]
14 U tou nga zwikepe zwa muvhambadzi,+A tshi vhuya na zwiḽiwa zwawe zwi bvaho kule.
ו [Waw]
15 U vuwa ḽi sa athu u tsha,Uri a ṋee vha muṱani wawe zwiḽiwaNa uri a ṋee vhashumeli vhawe vha vhafumakadzi mikovhe.+
ז [Zayin]
16 U dzudzanya u renga tsimu;A lima tsimu ya minḓirivhe a tshi tou shuma nga zwanḓa zwawe.
ח [Heth]
17 U ḓilugiselela u ita mushumo u konḓaho,+U khwaṱhisa zwanḓa zwawe.
ט [Teth]
18 U a vhona uri mushumo wawe u a vhuyedza;Luvhone lwawe a lu dzimi vhusiku.
י [Yod]
19 U fara thanda i re na wuḽu nga tshanḓa tshawe,Nga tshiṅwe tshanḓa a fara tsha u luka wuḽu.*+
כ [Kaph]
20 U putulula tshanḓa tshawe a thusa vha si na zwavho,U thusa na vhashai.+
ל [Lamed]
21 Musi hu na mahaḓa ha vhilaeli nga ha muṱa wawe,Ngauri muṱa wawe woṱhe wo ambara zwiambaro zwi dudelaho.
מ [Mem]
22 U ita malabi a u adzela mmbete wawe.
Zwiambaro zwawe ndi zwa ḽinene na wuḽu ya phephulu.
נ [Nun]
23 Munna wawe u a ḓivhiwa khoroni dza muḓi,+Hune a dzula na vhahulwane vha shango.
ס [Samekh]
24 U runga zwiambaro zwa ḽinene, a zwi rengisaA rengisela vhavhambadzi mabannda.
ע [Ayin]
25 U ambara nungo na lunako,U lavhelela vhumatshelo e na fhulufhelo.
פ [Pe]
26 Zwine a amba ndi zwa vhuṱali;+Musi a tshi ṋea ndayo, u zwi ita nga vhuthu.
צ [Tsade]
27 U sedza mishumo ya muṱani wawe,Ha ḽi zwiḽiwa* zwa vhubva.+
ק [Qoph]
28 Musi vhana vhawe vha tshi vuwa vha amba uri o takala;Na musi munna wawe a tshi vuwa u a mu khoḓa.
ר [Resh]
29 Hu na vhafumakadzi vhukuma* vhanzhi,Fhedzi iwe u a vha fhira vhoṱhe.
ש [Shin]
30 Mbonalo i a fhura na lunako lu a fhela,+Fhedzi mufumakadzi ane a ofha Yehova u ḓo khoḓwa.+
ת [Taw]
31 Mu ṋeeni malamba a zwine a ita,*+Mishumo yawe kha i mu khoḓise khoroni dza muḓi.+
Ṱhaluso dzi re magumoni a siaṱari
^ Kana “wavhuḓi.”
^ Sedzani Mutevhe Wa Ṱhalutshedzo Ya Maipfi.
^ Thanda i re na wuḽu na tsha u luka wuḽu zwo vha zwi tshi shumiswa u ita harane.
^ Thevhedz., “vhurotho.”
^ Kana “vhavhuḓi.”
^ Thevhedz., “Mu ṋeeni mitshelo ya zwanḓa zwawe.”
