Mirero 8:1-36
8 Naa vhuṱali a vhu khou vhidzelela?
Naa ṱhalukanyo a i khou huwelela?+
2 Ho ima nṱha+ tsini na nḓila,Ho ima mafhandeni a nḓila.
3 Vhu vhidzelela vhu tsini na khoro dzi yaho muḓini,Vhu miṋangoni ya u dzhena,Vhu ri:+
4 “Inwi vhathu, ndi khou ni vhidzelela;Ndi khou vhidzelela muṅwe na muṅwe.*
5 Inwi vha si na tshenzhelo, ivhani na maano;+Inwi matsilu, ivhani na mbilu i pfesesaho.
6 Thetshelesani ngauri zwine nda khou amba ndi zwa ndeme,Mulomo wanga u amba zwo lugaho;
7 Ngauri mulomo wanga u amba ngoho,Mulomo wanga u nengwa vhuvhi.
8 Zwoṱhe zwine nda amba zwo luga.
A hu na zwo shandeaho kana zwo kombamaho.
9 Zwoṱhe zwi a pfesesea kha ane a ṱalukanya,Zwo tea kha vhe vha wana nḓivho.
10 Dzhiani ndayo yanga nṱhani ha siḽiva,Ni dzhie nḓivho nṱhani ha musuku vhukuma,+
11 Ngauri vhuṱali vhu fhira khoraḽa;*Kha zwoṱhe zwine zwa tamisa a hu na tshine tsha nga vhambedzwa naho.
12 Nṋe vhuṱali, ndi dzula na maano;Ndo wana nḓivho na vhukoni ha u humbula.+
13 U ofha Yehova zwi amba u vhenga vhuvhi.+
Ndi vhenga u ḓihudza, u ḓikukumusa,+ nḓila mmbi na u amba zwithu zwi sa ḓivhalei.+
14 Ndi na nyeletshedzo yavhuḓi na vhuṱali;+Ṱhalukanyo+ na maanḓa+ ndi zwanga.
15 Ndi nṋe ane a ita uri mahosi a dzule a tshi vhusa,Vhaḓinḓa vhahulwane vha vhea milayo ya u luga.+
16 Ndi nṋe ane a ita uri na vhakololo vha dzule vha tshi vhusa,Vhaḓivhalea vha haṱula nga u luga.
17 Ndi funa vhane vha mpfuna,Vhane vha nṱoḓa vha ḓo nngwana.+
18 Lupfumo na vhugala zwi na nṋe,Lupfumo lu sa fheli na zwivhuya.
19 Mitshelo yanga ndi yavhuḓi u fhira musuku, naho u musuku wo kunakiswaho,Zwine nda zwi bveledza zwi fhira siḽiva yavhuḓi vhukuma.+
20 Ndi tshimbila nḓilani yo lugaho,Vhukati ha nḓila dza khaṱhulo yo teaho;
21 Ndi ṋea lupfumo vhane vha mpfuna,Ndi ḓadza maḓulu avho.
22 Yehova o ntsika musi a tshi thoma nḓila dzawe,+A tshi thoma mushumo wawe we a u ita kale-kale o thoma nga nṋe.+
23 Ndo vhewa u bva zwifhingani zwa kale,+U bva mathomoni, zwifhingani zwa musi ḽifhasi ḽi sa athu u vha hone.+
24 Ndo bebwa musi mativha a sa athu u vha hone,+Musi hu sa athu u vha na zwisima zwi elelaho maḓi.
25 Thavha dzi sa athu u vha hone,Zwikwara zwi sa athu u vha hone, nṋe ndo vha ndo no bebwa,
26 Musi a sa athu u sika ḽifhasi na midavhi yaḽoKana buse ḽi re kha ḽifhasi ḽi sa athu u vha hone.
27 Ndo vha ndi hone musi a tshi sika ḽiṱaḓulu;+A tshi vhea mukano nṱha ha maḓi,+
28 Musi a tshi vhea makole lutomboni,Musi a tshi phula zwisima zwa mativha,
29 Musi a tshi vhetshela lwanzhe mikanoUri maḓi alwo a si pfuke he a amba,+Musi a tshi thea mitheo ya ḽifhasi,
30 Ndo vha ndi tsini hawe sa mushumi a re na vhutsila.+
Ndo vha ndi tshi mu takadza+ ḓuvha ḽiṅwe na ḽiṅwe;Ndo vha ndo takala phanḓa hawe tshifhinga tshoṱhe;+
31 Ndo vha ndi tshi takalela ḽifhasi ḽawe,Ndo vha ndi tshi takalela vhukuma vhana vha vhathu.
32 Zwino vhananga, nthetsheleseni;Hu takala vhane vha tevhedza nḓila dzanga.
33 Thetshelesani ndayo+ ni ṱalifhe,Ni songo vhuya na i nyadza.
34 Hu takala muthu ane a nthetshelesaNga u bubela* miṋangoni yanga ḓuvha ḽiṅwe na ḽiṅwe,Nga u lindela tsini na miṋango ya nnḓu yanga;
35 Ngauri ane a wana nṋe u ḓo wana vhutshilo,+U ḓo takalelwa nga Yehova.
36 Fhedzi ane a si ndzhiele nṱha u a ḓihuvhadza,Vhane vha mmbenga vha funa lufu.”+
Ṱhaluso dzi re magumoni a siaṱari
^ Thevhedz., “vhana vha vhathu.”
^ Sedzani Mutevhe Wa Ṱhalutshedzo Ya Maipfi.
^ Kana “Nga u dzula wo fhaṱuwa.”
