Mirero 9:1-18
9 Vhuṱali ha vhukuma ho ḓifhaṱela nnḓu;Ho ḓivhaḓela phuphu dza sumbe.
2 Ho ḓilugiselela ṋama;Ho ḓiitela* waini;Ho ḓidzudzanyela ṱafula.
3 Ho ruma vhashumeli vhaho vha vhafumakadziUri vha vhidzelele vhe fhethu hu re nṱha ha muḓi, vha ri:+
4 “A si na tshenzhelo, nga a ḓe ngeno.”
Vhu amba na tsilu ha ri:
5 “Iḓa, u ḽe zwiḽiwa* zwangaU nwe waini ye nda ita.*
6 Litsha u sa vha na tshenzhelo* uri u tshile;+U tshimbile nḓilani ya u ṱalukanya.”+
7 Ane a kaidza mugoḓi u a ḓinyadzisa,+Ane a kaidza muvhi u ḓo vhaisala.
8 U songo kaidza mugoḓi, u ḓo u vhenga.+
Kaidza wa vhuṱali, u ḓo u funa.+
9 Laya wa vhuṱali, u ḓo ṱalifhesa.+
Funza muthu u luga, ndi hone a tshi ḓo engedza pfunzo yawe.
10 U ofha Yehova ndi hone u ranga ha vhuṱali,+Na u ḓivha Mukhethwa-khethwa+ ndi u vha na ṱhalukanyo.
11 Nga nṋe maḓuvha au a ḓo vha manzhi,+Miṅwaha ya vhutshilo hau i ḓo engedzwa.
12 Arali wa ṱalifha, u ḓo ḓivhuyedza nga vhuṱali hau,Fhedzi arali u mugoḓi, u ḓo zwi konḓelela u woṱhe.
13 Mufumakadzi wa tsilu u a ambesa.+
U dzhiela zwithu fhasi, ha ḓivhi tshithu.
14 U dzula muṋangoni wa nnḓu yaweFhethu hu re nṱha muḓini,+
15 A tshi vhidzelela vhane vha khou fhira nga nḓila,Vhane vha khou tshimbila nḓilani dzavho, a ri:
16 “A si na tshenzhelo, nga a ḓe ngeno.”
U vhudza matsilu a ri:+
17 “Maḓi a u tswa a a ḓifha,Zwiḽiwa zwine zwa ḽelwa tshiphirini zwi a ḓifha.”+
18 Fhedzi vhane vha kungiwa a vha ḓivhi uri vho faho vha henefho,Na uri vhaeni vha onoyo mufumakadzi vha Vhiḓani.*+
Ṱhaluso dzi re magumoni a siaṱari
^ Kana “ḓiṱombela; ḓiingela.”
^ Thevhedz., “vhurotho.”
^ Kana “ṱomba; inga.”
^ Kana “vha si na tshenzhelo.”
^ Kana “Sheol.” Sedzani Mutevhe Wa Ṱhalutshedzo Ya Maipfi.
