Muhuweleli 1:1-18
1 Maipfi a mukuvhanganyi,+ murwa wa Davida, khosi ya Yerusalema.+
2 Mukuvhanganyi u ri: “Ndi mahandana vhukuma!”
“Ndi mahandana vhukuma! Zwoṱhe ndi mahandana!”+
3 Muthu u vhuyelwa nga mini kha mishumo yawe yoṱhe i lemelahoA tshi ḓinetisa fhano fhasi ha ḓuvha?+
4 Murafho u a ṱuwa, ha ḓa muṅwe murafho,Fhedzi ḽifhasi ḽi ḓi dzula ḽi hone lini na lini.+
5 Ḓuvha ḽi a bva,* ḓuvha ḽi a kovhela;Ḽa ṱavhanya ḽa vhuyelela fhethu hune ḽa ḓo dovha ḽa bva ḽi hone.+
6 Muya u vhudzula u tshi ya tshipembe, wa mona wa swika devhula;Wa bvela phanḓa u tshi mona; muya u dzula u tshi khou mona.
7 Milambwana yoṱhe i elela i tshi ya lwanzheni, fhedzi lwanzhe a lu ḓali.+
Hune milambwana yoṱhe ya elela i tshi bva hone, i a vhuyelela uri i dovhe i elele.+
8 Zwithu zwoṱhe zwi a netisa;A hu na ane a nga amba nga hazwo.
Maṱo ha fushei nga u vhona;Na nḓevhe a i fushei nga u pfa.
9 Zwe zwa vhuya zwa vha hone zwi ḓo dovha zwa vha hone,Zwe zwa vhuya zwa itwa zwi ḓo dovha zwa itwa;A hu na tshithu tshiswa fhano fhasi ha ḓuvha.+
10 Naa hu na tshithu tshine muthu a nga amba a ri: “Vhonani hetshi, ndi tshiswa”?
Ndi kale tshi hone;Tsho vha hone ri sa athu u bebiwa.
11 A hu na ane a humbula vhathu vha zwifhingani zwa kale;Kana ane a ḓo humbula vha ḓaho nga murahu;Na vha ḓaho a vha nga humbulwi nga vha ḓaho nga murahu havho.+
12 Nṋe mukuvhanganyi, ndo vha ndi khosi ya Isiraele ngei Yerusalema.+
13 Mbilu yanga yo vha yo ḓiimisela u guda na u ṱoḓisisa zwithu zwoṱhe nga vhuṱali+ zwine zwa itwa fhano fhasi ha ḽiṱaḓulu,+ mushumo u konḓaho we Mudzimu a u ṋea vhana vha vhathu une wa ita uri vha dzule vho farekanea.
14 Ndo vhona mishumo yoṱhe ine ya itwa fhano fhasi ha ḓuvha,Zwoṱhe zwo vha zwi mahandana, hu u pandamedza muya.+
15 Zwo kombamaho zwi nga si onyoloswe,Na zwine zwa si vhe hone zwi nga si konadzee uri zwi vhaliwe.
16 Nda elekanya nda ri: “Ndo wana vhuṱali vhuhulu, vhu fhiraho ha vhe vha vha hone phanḓa hanga ngei Yerusalema,+ mbilu yanga yo wana vhuṱali vhuhulu na nḓivho.”+
17 Ndo kumedzela mbilu yanga kha u ḓivha vhuṱali na u ḓivha tshipengo*+ na u ḓivha vhutsilu na zwenezwi ndi u pandamedza muya.
18 Ngauri vhuṱali vhu tshi anda na u hanganea hu a anda,Ane a engedza nḓivho u engedza vhuṱungu.+
