Muhuweleli 10:1-20
10 Samusi thunzi dzo faho dzi tshi ita uri mapfura a muiti wa zwiḓolo zwi nukhelelaho a sine na u nukha, na vhutsilu vhuṱuku vhu tshinya vhuṱali na vhugala.+
2 Mbilu ya muṱali i mu livhisa nḓilani yo lugaho,* fhedzi mbilu ya tsilu i ḽi livhisa nḓilani i songo lugaho.*+
3 Kha nḓila iṅwe na iṅwe ine tsilu ḽa tshimbila khayo, ḽi vha ḽi si na ṱhalukanyo,+ ḽi sumbedza muṅwe na muṅwe uri ḽi tsilu.+
4 Arali muvhusi a u sinyutshela, u songo ṱuwa fhethu hau,+ ngauri u dzika hu ita uri milandu mihulwane i fhungudzwe.+
5 Hu na tshiṅwe tshithu tshi tsikeledzaho tshe nda tshi vhona fhano fhasi ha ḓuvha, ndi vhukhakhi vhune ha itwa nga vhavhusi:+
6 Matsilu a vhewa kha vhuimo vhunzhi ha nṱha, fhedzi vhapfumi* vha dzula vhe kha vhuimo ha fhasi.
7 Ndo vhona vhashumeli vho ṋamela bere fhedzi vhakololo vha tshi khou tshimbila nga milenzhe u fana na vhashumeli.+
8 Ane a bwa dindi a nga wela ngomu haḽo;+ ane a wisa mutsheṱo a nga lumiwa nga ṋowa.
9 Ane a bwa matombo a nga huvhadzwa ngao, na a fhanzaho khuni a nga huvhadzwa ngadzo.
10 Arali tshishumiswa tsha tsimbi tsho gomala, muthu a si tshi ṱuṱule, u ḓo fanela u shumisesa maanḓa. Fhedzi vhuṱali vhu ḓo mu thusa uri a bvelele.
11 Arali ṋowa i tshi luma i sa athu u ungeledzwa, muungeledzi wa vhutsila ha tsha thusa nga tshithu.
12 Zwine zwa ambiwa nga muṱali zwi ita uri a takalelwe,+ fhedzi mulomo wa tsilu ndi wone une wa ḓo ḽi tshinya.+
13 Ḽi thoma nga u amba zwa vhutsilu,+ ḽa fhedzisela nga u amba zwa vhupengo.
14 Fhedzi tsilu ḽi sokou dzula ḽi tshi khou amba.+
Muthu ha ḓivhi zwine zwa ḓo bvelela; ndi nnyi ane a nga mu vhudza zwine zwa ḓo bvelela musi o no fa?+
15 U shuma nga maanḓa hu netisa tsilu, ngauri a ḽi ḓivhi uri ḽi nga wana hani nḓila ya u ya muḓini.
16 A si zwavhuḓi arali khosi ya shango i mutukana,+ vhakololo vha tshi thoma zwimima zwavho nga matsheloni.
17 Hu takala shango musi khosi i murwa wa vharangaphanḓa, vhakololo vha tshi ḽa nga tshifhinga tsho teaho uri vha wane nungo, hu si uri vha kambiwe!+
18 Nga nṱhani ha vhubva ho kalulaho, ṱhanga i a mbombomela, na nga nṱhani ha zwanḓa zwa mubva nnḓu i a na.+
19 Zwiḽiwa* zwo itelwa uri hu takalwe, waini i ita uri vhutshilo vhu takadze;+ fhedzi tshelede i ita uri u wane zwoṱhe zwine wa zwi shaya.+
20 U songo sema khosi naho hu mbiluni yau,+ u songo sema mupfumi u kamarani yau; ngauri tshiṋoni kana tshivhumbiwa tshi re na phapha tshi ḓo vha vhudza zwe wa amba.
Ṱhaluso dzi re magumoni a siaṱari
^ Thevhedz., “thungo ya tshanḓa tsha u ḽa.”
^ Thevhedz., “thungo ya tshanḓa tsha monde.”
^ Kana “vhane vha vha na vhukoni.”
^ Thevhedz., “Vhurotho.”
