Muhuweleli 12:1-14
12 U songo hangwa Musiki wau Muhulwane maḓuvhani a vhuswa hau,+ hu sa athu u ḓa maḓuvha a tsikeledzaho*+ na miṅwaha ine wa ḓo ri: “A thi tsha i takalela”;
2 musi ḓuvha na tshedza na ṅwedzi na dziṋaledzi zwi sa athu u swifhala,+ makole a tiba nga murahu ha mvula khulu;
3 musi vhalindi vha nnḓu vha tshi vho tetemela, vhanna vha re na maanḓa vha tshi vho kwatama, vhafumakadzi vha tshi vho litsha u kuya ngauri a vha tsha vha vhanzhi, vhafumakadzi vha tshi vho lavhelesa nga mafasiṱere vha wana ho swifhala;+
4 musi mavothi ane a ya nḓilani o no valiwa, musi phosho ya u kuya mavhele i si tsha pfalesa, musi muthu a tshi vho vuswa nga tshiṋoni tshi tshi lila, vhananyana vhoṱhe vha tshi vho imbela fhasi.+
5 Na musi u tshi vho ofha u gonya fhethu hu re nṱha, nḓilani hu tshi vho ofhisa. Mualimondo u tshi vho bva* maluvha,+ nzie i si tsha thamuwa, u si tsha vha na dzangalelo ḽa zwiḽiwa, ngauri muthu u khou ya nḓuni yawe ya lini na lini+ na vhane vha mu lilela vha tshi khou mona-mona nḓilani;+
6 musi ngeḓane dza siḽiva dzi sa athu u tumuwa, tshigoḓelo tsha musuku tshi sa athu u kwashea, mvuvhelo ya u ka maḓi tshisimani i sa athu u kwashea na vhili ḽa u ka maḓi tshisimani ḽi sa athu u vunḓea.
7 Ndi hone buse ḽi tshi vhuyelela mavuni+ hune ḽa bva hone, muya* wa vhuyelela ha Mudzimu wa ngoho we a u ṋea muthu.+
8 Mukuvhanganyi+ u ri: “Ndi mahandana vhukuma! Zwoṱhe ndi mahandana.”+
9 Mukuvhanganyi o vha a songo sokou ṱalifha, fhedzi o bvela phanḓa a tshi funza vhathu zwine a zwi ḓivha,+ o elekanya na u ita ṱhoḓisiso yo dzikaho uri a kuvhanganye* mirero minzhi.+
10 Mukuvhanganyi o ṱoḓa maipfi a takadzaho+ na u ṅwala maipfi a ngoho o teaho.
11 Maipfi a vhaṱali a nga thanda i re na ṱhodzi ya tsimbi* ya u khada kholomo,+ maipfi avho o kuvhanganywaho a fana na zwibigiri zwo ombelwaho zwa khwaṱha; a bva kha mulisa muthihi.
12 Murwa wanga, iṅwe nyeletshedzo kheyi: Vhathu vha ḓo dzula vha tshi khou ṅwala bugu nnzhi, u ḓikumedza nga maanḓa khadzo zwi netisa muvhili.+
13 Magumo a mafhungo oṱhe e wa a pfa, ndi haya: Ofha Mudzimu wa ngoho,+ u dzule u tshi tevhedza ndaela dzawe,+ ngauri ndi zwone zwine muthu a tea u zwi ita.+
14 Ngauri Mudzimu wa ngoho u ḓo haṱula mishumo yoṱhe, u katela na zwithu zwoṱhe zwo dzumbamaho, hu sa londwi uri ndi zwivhuya kana ndi zwivhi.+
Ṱhaluso dzi re magumoni a siaṱari
^ Kana “maḓuvha a khombo.”
^ Kana “fhufhumisa.”
^ Kana “maanḓa a vhutshilo.”
^ Kana “dzudzanye nga u tou tevhekana.”
^ Sedzani Mutevhe Wa Ṱhalutshedzo Ya Maipfi.
