Muhuweleli 3:1-22
-
Tshiṅwe na tshiṅwe tshi na tshifhinga tsho vhewaho (1-8)
-
U ḓiphiṋa nga vhutshilo ndi tshifhiwa tsha Mudzimu (9-15)
-
O vhea vhutshilo vhu sa fheli mbiluni ya muthu (11)
-
-
Mudzimu u haṱula vhoṱhe nga nḓila yo teaho (16, 17)
-
Vhathu vha fhedzisela vho fa, u katela na zwipuka (18-22)
-
Zwoṱhe zwi ḓo vhuyelela buseni (20)
-
3 Tshiṅwe na tshiṅwe tshi na tshifhinga tsho vhewaho,Tshifhinga tsha mushumo muṅwe na muṅwe fhasi ha ḽiṱaḓulu:
2 Hu na tshifhinga tsha u bebwa na tshifhinga tsha u fa;Hu na tshifhinga tsha u ṱavha na tshifhinga tsha u tupula;
3 Hu na tshifhinga tsha u vhulaya na tshifhinga tsha u tshidza;*Hu na tshifhinga tsha u thutha na tshifhinga tsha u fhaṱa;
4 Hu na tshifhinga tsha u lila na tshifhinga tsha u sea;Hu na tshifhinga tsha u ṱungufhala na tshifhinga tsha u tshina;*
5 Hu na tshifhinga tsha u posa matombo kule na tshifhinga tsha u kuvhanganya matombo;Hu na tshifhinga tsha u kuvhatedza na tshifhinga tsha u sa kuvhatedza;
6 Hu na tshifhinga tsha u ṱoḓa na tshifhinga tsha u litsha u ṱoḓa;Hu na tshifhinga tsha u vhulunga na tshifhinga tsha u laṱa;
7 Hu na tshifhinga tsha u kherula+ na tshifhinga tsha u runga;Hu na tshifhinga tsha u fhumula+ na tshifhinga tsha u amba;+
8 Hu na tshifhinga tsha u funa na tshifhinga tsha u vhenga;+Hu na tshifhinga tsha nndwa na tshifhinga tsha mulalo.
9 Mushumi u vhuyelwa nga mini nga u ḓinetisa hawe hoṱhe?+
10 Ndo vhona mushumo we Mudzimu a u ṋea vhana vha vhathu uri vha dzule vho farekanea.
11 O ita uri tshiṅwe na tshiṅwe tshi nake* nga tshifhinga tshatsho.+ O vhea vhutshilo vhu sa fheli mbiluni dzavho; naho zwo ralo, vhathu vha nga si vhuye vha ṱalukanya mushumo wa Mudzimu wa ngoho u bva mathomoni u swika magumoni.
12 Ndo phetha nga ḽa uri, a hu na tshithu tsha khwine khavho u fhira u takala na u ita zwivhuya musi vha tshi kha ḓi tshila,+
13 na uri muṅwe na muṅwe u fanela u ḽa na u nwa, a ḓiphiṋe nga u shuma hawe nga maanḓa. Ndi tshifhiwa tsha Mudzimu.+
14 Ndo zwi vhona uri zwithu zwoṱhe zwine Mudzimu wa ngoho a zwi ita zwi ḓo dzula zwi hone lini na lini. A hu na zwine ra nga engedza na zwine ra nga fhungudza khazwo. Mudzimu wa ngoho o zwi ita nga yeneyi nḓila uri vhathu vha mu ofhe.+
15 Zwe zwa itea zwo no ḓi itea na zwine zwa ḓo ḓa zwo no ḓi vha hone;+ fhedzi Mudzimu wa ngoho u ṱoḓa zwo no ḓi ṱoḓiwaho.*
16 Fhano fhasi ha ḓuvha ndo dovha nda vhona hezwi: Vhudzuloni ha khaṱhulo yo teaho ho vha hu na vhuvhi, vhudzuloni ha zwivhuya ho vha hu na vhuvhi.+
17 Nga zwenezwo, nda elekanya nda ri: “Mudzimu wa ngoho u haṱula vhoṱhe vhavhuya na vhavhi,+ ngauri hu na tshifhinga tsha mushumo muṅwe na muṅwe na zwiṅwe na zwiṅwe zwine zwa itwa.”
18 Ndo dovha nda elekanya nga ha vhana vha vhathu uri Mudzimu wa ngoho u ḓo vha linga, a vha sumbedza uri vha fana na zwipuka,
19 ngauri zwine zwa itea kha vhathu zwi itea na kha zwipuka.+ Zwoṱhe zwi fa nga nḓila i fanaho; zwoṱhe zwi na muya u fanaho.+ Ngauralo, muthu ha fhiri zwipuka, ngauri zwoṱhe ndi mahandana.
20 Zwoṱhe zwi ya fhethu huthihi.+ Zwoṱhe zwi bva buseni,+ zwoṱhe zwi vhuyelela buseni.+
21 Ndi nnyi ane a ḓivha zwa vhukuma uri muya wa vhathu u gonyela nṱha na uri muya wa zwipuka u tsela mavuni?+
22 Ndo vhona uri a hu na tshine tsha vha khwine u fhira uri muthu a ḓiphiṋe nga mushumo wawe,+ ngauri ndi malamba* awe; ndi nnyi ane a nga ita uri a kone u vhona zwine zwa ḓo itea musi a si tsheeho?+
Ṱhaluso dzi re magumoni a siaṱari
^ Thevhedz., “fhodza.”
^ Thevhedz., “thamuwa; fhufha-fhufha.”
^ Kana “tshi dzudzanyee zwavhuḓi; tshi vhe tsho teaho.”
^ Kana khamusi, “zwo no fhiraho.”
^ Kana “mukovhe.”
