Muhuweleli 6:1-12
6 Hu na zwiṅwe zwi ṱungufhadzaho zwe nda zwi vhona fhano fhasi ha ḓuvha, vhathu vho zwi ḓowela:
2 Mudzimu wa ngoho u ṋea muthu lupfumo na thundu na vhugala, uri a si shaye tshithu na tshithihi tshine a tshi tama; naho zwo ralo Mudzimu wa ngoho ha mu tendeli a tshi ḓiphiṋa ngazwo, naho mutsinda a tshi nga ḓiphiṋa ngazwo. Zwenezwi ndi mahandana na u tambula zwihulu.
3 Arali muthu a beba vhana vha ḓana, a tshila miṅwaha minzhi a vhuya a vha mulala, fhedzi a si ḓiphiṋe nga zwithu zwawe zwavhuḓi musi a sa athu u fa, u fhirwa nga ṅwana o bebwaho o fa.+
4 Ngauri onoyu o ḓa mahandanani a ya swiswini, dzina ḽawe ḽo tibwa nga swiswi.
5 Naho a songo vhona ḓuvha kana u ḓivha tshithu, u kha ḓi vha khwine u fhira uḽa muthu.+
6 Zwi vhuyedza ngani u tshila miṅwaha ya zwigidi zwivhili* u sa khou ḓiphiṋa? Naa vhoṱhe a vha khou ya fhethu huthihi?+
7 Muthu u shuma nga maanḓa uri a ḓadze mulomo wawe;+ naho zwo ralo lutamo lwawe a lu fushei.
8 Ndi mini tshine wa vhuṱali a vha natsho tshine tsha fhira tsha tsilu,+ mushai a tshi kona u ḓitshidza u vhuyelwa ngani?
9 Ndi khwine u ḓiphiṋa nga zwine maṱo a kona u zwi vhona u fhira u tovhola zwine muthu a zwi tama. Na zwenezwi ndi mahandana, ndi u pandamedza muya.
10 Naho tshi tshini tsho no ḓi vhaho hone tsho no ḓi irwa dzina, zwine muthu a vha zwone zwi a ḓivhea; ha koni u vha na phambano na ane a mu fhira nga maanḓa.
11 U ambesa zwi ḓisa mahandana; muthu zwa mu vhuyedza ngani?
12 Ndi nnyi ane a ḓivha zwine zwa vha khwine zwine muthu a nga zwi ita maḓuvhani awe a si gathi a vhutshilo hawe ha mahandana, vhune ha nga murunzi?+ Ndi nnyi ane a nga vhudza muthu zwine zwa ḓo itea fhano fhasi ha ḓuvha musi a si tsheeho?
Ṱhaluso dzi re magumoni a siaṱari
^ Kana “ya 2 000.”
