Nahumi 2:1-13
2 Ane a balanganya o ḓa u lwa na iwe.*+
Linda mbondo dzine wa ḓitsireledza ngadzo.
U linde nḓila.
U ḓilugiselele na u ḓikhwaṱhisa.
2 Ngauri Yehova u ḓo dovha a ṋea Yakobo vhugala,A ṋea na Isiraele vhugala,Ngauri vho tshinyadzwa nga vhane vha tshinyadza;+Vho tshinyadza matavhi avho.
3 Zwiṱangu zwa vhanna vha maanḓa zwo daiwa nga muvhala mutswuku,Vhahali vhawe vho ambara zwiambaro zwitswuku.
Tsimbi dzi re kha gariki dzawe dza nndwa dzi khou penya sa muliloNga ḓuvha ḽine a ḓilugiselela nndwa,Mapfumo o itwaho nga muri wa mudzhunipa o imiselwa nṱha.
4 Gariki dza nndwa dzi khou gidima nga luvhilo luhulu nḓilani.
Dzi tsa dzi tshi gonya khoroni nga luvhilo.
Dzi penya sa mbone dzi dugaho, dzi penya sa lupenyo.
5 U ḓo vhidza vhaḓinḓa vhawe.
Vha khukhulwa vha tshi khou tshimbila.
Vha gidimela kha luvhondo lwawe;Vha ita zwine vha nga ḓitsireledza ngazwo.
6 Khoro dza mulambo dzi ḓo vulea,Pfamo ya wa.
7 Ho ḓivhadziwa ha pfi: U khou shona ngauri o bvulwa zwiambaro, u khou iswa vhuthubwani,Vhananyana vhawe vha dziphuli vha khou lila sa maivha;Musi vha tshi ḓi rwa maḓamu.
8 Ninive+ o vha a tshi tou nga tivha ḽa maḓi, u bva mathomoni,Fhedzi vha khou shavha.
Vhaṅwe vha vhidzelela vha ri: “Imani inwi vhathu! Imani!”
Fhedzi a hu na ane a khou sedza murahu.+
9 Dzhiani siḽiva, dzhiani na musuku!
Lupfumo lwawe a lu fheli.
Lwo vhewa na zwithu zwo fhambanaho zwavhuḓi.
10 A hu tshee na tshithu muḓini, wo tshinyadzwa, u shubi!+
Vha khou ofha, magona avho a khou tetemela na khundu dzavho dzi khou tetemela;Zwifhaṱuwo zwoṱhe zwo tshuwa.
11 Ḽi ngafhi bako ḽa ndau,+ hune ndawana dza ḽela hone,Hune ndau ya tshimbila na ṅwana wayo,Hu si na ane a dzi tshuwisa?
12 Ndau yo vhulaya zwipuka i tshi itela vhana vhayoYa vhulaya zwipuka i tshi itela dza tsadzi.
Ya ḓadza bako ḽayo nga zwipuka,Hune ya dzula hone ya hu ḓadza nga zwipuka zwo vhulawaho.
13 “Ndi khou lwa na iwe,” u ralo Yehova wa mavhuthu,+“Ndi ḓo fhisa gariki dzawe dza nndwa,+Ndawana dzau dzi ḓo vhulawa nga banga.
Ndi ḓo ita uri u si tsha zwima kha ḽifhasi,Na vhaḓinḓa vhau a vha tsha ḓo pfala.”+
Ṱhaluso dzi re magumoni a siaṱari
^ Ndi Ninive.