Nahumi 3:1-19
3 Muḓi une wa shulula malofha u ḓo welwa nga khombo!
Wo ḓala vhufhura na vhuvemu.
U dzula u tshi dzhiela vhathu zwithu!
2 Hu khou pfala tshimebi na mavhili,Na u gidima ha bere na gariki.
3 Hu na muṋameli wa bere, banga ḽi penyaho, na pfumo ḽi penyaho,Hu na vhathu vhanzhi vho vhulawaho na zwitumbu,Vho faho ndi vhanzhi.
Maswole a khou khukhulwa nga zwitumbu.
4 Zwenezwi zwi khou itiswa nga u rengisesa hawe muvhili,Onoyo o nakaho na a kungaho, ane a vha muhulwane wa vhaloi,Ane a kunga tshaka nga u rengisa hawe muvhili na u fhura miṱa nga vhuloi hawe.
5 “Ndi khou lwa na iwe,”* u ralo Yehova wa mavhuthu,+“Ndi ḓo u pengula;Nda ita uri tshaka dzi u vhonele,Na mivhuso i vhone ṱhoni dzau.
6 Ndi ḓo u hasha nga mashikaNda ita uri u nengise;Nda ita uri u ofhise.+
7 Vhoṱhe vhane vha u vhona vha ḓo u shavha,+ vha ri,‘Ninive o tshinyadzwa!
Ndi nnyi ane a ḓo mu pfela vhuṱungu?’
Vhane vha ḓo u khuthadza ndi ḓo vha wana ngafhi?
8 Naa u khwine kha No-amoni,*+ a re migeroni ya Nili?+
O tangiwa nga maḓi;Lupfumo lwawe o lu wana lwanzheni, o tangiwa nga lwanzhe.
9 Maanḓa awe o vha a tshi a wana Etopia na Egipita.
Wo vha u tshi thusiwa nga Phuti+ na nga Vhalibia.+
10 O fhedzisela o thubiwa;A iswa vhuthubwani.+
Na vhana vhawe vho ṱhukhukanywa nḓilani.
Vho itela madeṅwa vhathu vhawe vhane a vha hulisa.
Vhathu vhawe vhoṱhe vha re na maanḓa vho vhofhiwa nga ngeḓane.
11 Na iwe u ḓo kambiwa;+Wa ya u dzumbama.
Wa ṱoḓa u tsireledzwa nga swina ḽau.
12 Vhushavhelo hau hoṱhe vhu fana na mihuyu i re na mahuyu a u thoma u vhibva;Musi i tshi dzinginyiswa, mahuyu a wela mulomoni wa vhaḽi.
13 Maswole au a fana na vhafumakadzi vha re vhukati hau.
Maswina au a ḓo wana khoro dza shango ḽau dzo vulea.
Mulilo u ḓo fhisa thanda dza khoro dzau.
14 Ika maḓi u tshi itela tshifhinga tsha u tangiwa!+
U khwaṱhise fhethu hau ha vhushavhelo.
Iya hu re na thophe u suke vumba;U forome zwidina.
15 U ḓo fhiswa nga mulilo u henefho.
Wa vhulawa nga banga.+
Naho wa ita uri u ḓale sa guma ḽa nzie,+Naho wa ḓala sa guma ḽa nzieḼeneḽo banga ḽi ḓo u fhedza u fana na guma ḽa nzie ḽi tshi ḽa zwimela ḽa fhedza.
16 Wo engedza vharengisi vhau vha ḓala u fhira ṋaledzi dza ṱaḓulu.
Musi nzie i tshi ḓuvhudza i a fhufha.
17 Vhalindi vhau vha fana na nzie,Vhaḓinḓa vhau vha fana na guma ḽa nzie.
Musi hu tshi rothola dzi dzula matomboni,Dza fhufha ḽi tshi fhisa;Hu si vhe na ane a ḓivha he dza ya.
18 Iwe khosi ya Asuri, vhalisa vhau vha khou kumedza;Vhaḓivhalea vhau vha dzula mahayani avho.
Vhathu vhau vho balangana dzithavhani,A hu na ane a vha kuvhanganya.+
19 A hu na ane a nga u thusa kha khombo ye wa welwa ngayo.
Tshilonda tshau tshi nga si fhole.
Vhane vha pfa nga ha iwe vha ḓo vhanda zwanḓa;+Ngauri ndi nnyi we wa si mu tambudze lwa tshiṱuhu u sa gumi?”+